riyaale oo amray in xoog lagu joojiyo ciyaar tartan oo kulmiye koob u dhigay dhallinyaro

Kulmiye ayaa tartan ciyaaraha kubadda cagta ah u qabtay dhallinyarada xaafadaha Hargeysa , halkaas oo Xisbigu dhigay koob weyn iyo direyska ciyaaraha ee kooxda oo isku dhan ah, oo la gudoonsiinaayey ciddii badisa .

Xisbigu intii aanuu bilaabin hawsha ciyaarahaasi, waxa uu fasax ka qaatay oo qoraal siiyey Xidhiidhka Kubadda cagta ee Wasaaradda Dhallinyarada iyo ciyaaraha, sidaas ayeyna maalintii shalay tartankaasi ku bilaabmay, oo ciyaartii koowaad lagu qabtay.

Saaka ayaa waxa lagu waaberiistay iyadoo uu wasiirka dhallinyarada iyo ciyaaruhu leeyahay tartankaas Xisbiga Kulmiye ma qabn karo.

Laakiin looma joojin ee galabta ayaa ciyaartii la furay labadii kooxdoodna garoonkii yimaadeen, waxaan ciyaartii oo socota meeshii yimid todoba tikniko ah oo Booliis ah, waxay isla markiiba rasaas ku fureen dhallinyaradii ciyaaraysay iyo dadweynihii daawanaayey, dadweynihiina dhagaxaanta ayey adeegsadeen, waxaana rasaasi cuskatay CHeif Caaqil Cabdi Iimaan Jaamac cawad oo ay walaalo yihiin Naasir Ayeex oo London degan.

Cunaha ayey dhinaca bidix kaga dhacday Caaqilka , waxana ay ka baxday qadaadka laga xiirto, ilaa imminka waa ladan yahay.

Xaaladuna cirka ayey ku shareeran tahay.

Goobjoog

kulmiye sii codkaaga

Dalku Isbedel ayuu u baahanyahay
Waxaynu maanta kala dooraneynaa horumar iyo shan sanadoo oo dambe oo rafaad ah. Waxaynu kala dooraneynaa in aynu kharajka yar ee dalka soo gala aynu daaro dabaqada ah kaga dhisno Paris , shaariqa, iyo afrikada bari oo aynu udub doorano. iyo in aynu ku dhisno gobolada cusub ee oodweyne, gabiley , badhan, baligubadle, caynabo iyo saylac oo aynu kulmiye doorano. Doorashada iyo codkaag u ma sahlana, ee ogaw. In aynu wadada odweyne dhisno waxay ku xidhantahay codkaaga.Waxaa xaqiiqa ah hadaad codkaaga siiso UDUB, waxaa lagaa qaada iyo waxa ummadaha kale ku siiyaanba waxay sii kordhinayaan dabaqyo laga sii dhiso yurub .
Tahriib, shaqo la.aan, ciidamu bilaa darajo ah, lacagta giimbaarta ah ee burco, daryeel la,aan caafimaad iyo waxbarasho. Musumaasaq, cadaalad daro, ganacsi koota, run aan la sheegeyn, wado ciid la dhigaayo , iyo warshad sibidh oo dhagax la dhigaayo waa udub dooro. Intaas oo aynu wax ka qabano wax ka beddelo waa kulmiye dooro. Labadaa wado way kala cadyihiin. Codkagaa oo aad meel khaldan mariso aad mar kale udub doorataa waa naftada oo aad khiyaameysay ama waa garashola,aan.

xasan aaden samatar iyo heeso cusub

cismaan kaahin , mulkiilaha Kaah wuxuu muujiyay geesinimo

Xaflad ballaadhan oo lagu muujinayay taageerada wax-ku-oolka ah ee beesha Habar-yoonis u hayso xisbiga KULMIYE, ayaa galabta lagu qabtay Huteelka KAAH ee magaalada Hargeysa.
Xafladan oo ahayd mid si layaab leh loo soo agaasimay, isla makaana sunaami siyaasadeed ku abuurtay xukuumada, ayaa waxa ay isku dayday inay is hortaagto oo ay baajiso, hasayeeshee waay u suurto geliwayday, iyada oo cidaamo badan lagu geedamay Huteelka lagu qabanayay xaflada, taas oo ka dambaysay amar wargelin ah oo uu Taliyaha Booliska Somaliland xalay u gudbiyey mulkiilaha Huteelka.
Waxaana xafladan galabta la qabtay ka soo qaybgalay Gudoomiyaha xisbiga xisbiga KULMIYE Md. Axmed Siilaanyo, golaha dhexe ee xisbiga, salaadiin, culimo aw diin, aqoonyahano, dhalinayaro, Haween iyo martisharaf aad iyo aad u tiro badan oo ka tirsan Beesha Habar-yoonis.
Gudoomiyaha xisbiga KULMIYE Md. Axmed Maxamed Maxamuud [Siilaanyo] oo xaflaas hadal dheer ka jeediyey, ayaa ugu horayn waxa uu uga mahad-celiyey garabyada kala duwan ee Beesha Habar-yoonis ee taageerada cajiibka ah u muujisay xisbiga KULMIYE.
Waxaana uu hadalkiisa ku bilaabay oo uu yidhi “Walalayaal dadweynaha aadka u faraha badan ee halkan isuku yimid ee dhalinyaro leh, ee waayeel leh, ee haween leh, ee sida aad iyo aadka u layaabka leh halkan maanta igu soo dhaweeyey waxaan jecelahay inaan mahadnaq balaadhan oo qiimo iyo qaayo leh anigoo ku hadlaya magaca xisbiga hogaankiisa, taaageerayaashiisa dibad iyo gudabna jooga inaan idiin soo jeediyo, waad mahadsan tihiin soo dhaweyntiina qiimaha leh aad iyo aad baan idiinku mahad celinayaa.”
Gudoomiye Siilaanyo waxa kale oo uu u mahad-celiyey mulkiilaha Huteelka KAAH Cismaan Kaahin, “Waxaan kaloo marka ugu horeysa halkan aan jecelahay inaan iyagana qiimo iyo sharaf leh ugu mahadnaqo mulkiilaha huteelkan [KAAH], oo aan ogahay dagaalka iyo dhibaatada la soo mariyey in layska hortaagay huteelkaa aynu arkeyno ee u furtey hawshiisa ganacsi, shaqana u furtey oo uu ummada ugu adeegayo oo uu dhididkiisa ku soo shaqeystey, isaga iyo ragga la qeyrkaba isagoo huteelada kalaba la mid ah, iyadoo la wada ogyahay in kuligood lagu wada qabto xafladaha ama qaar siyaasadeed hanoqdeen ama qaar kale ha noqdaane, ama qaar bulsho ha noqdeenee. Waxaa inta loo yimid la yidhi ‘xafladaa maanta beeshu soo abaabushay ee dhalinyaradu soo abaabushay ee xisbiga kulmiye gudoomiyihiisa loogu qabanayo ma qaban kartid’ oo aanu waraaqdeedii aragney wax la yaab leh weeyaan markey ii timid waraaqdasi taliyaha bileysku soo qorey, oo runtii anigu jecelahay inaan mar walba caado ahaan amaantooda aan badiyo, waayo, waa dad [Booliska] loo tirtey shaqo qaran, waa kuwaa imikaba ina ilaalinaya hawl-nabad-galyo ayey hayaan, hawl qaran bay hayaan, weynu ogeyn markii mudaharaadka la sameynayey, markasta oo hawl la qabanayo in badan oo iyaga ka mida wey inala shaqeeyaan wey jiri doonaan wey joogi doonaan dawladeena, ta ka danbeysa mid walba wey shaqeyn doonaan”
“Waxaa loo dirayaa nabad galayada iyo wada jirka inay ilaashaan, iyo cadaaladda, laakiin aad baanu u soo dhaweyneynaa oo taageero iyo bogaadin mid walba diyaarbaanu ula nahay, laakiin runtii waxaa ayaan darro ah in aanaan taliyaha booliska ka gareysan hadey dawladi amartey iyo hadey cid kale amartey toona in aanu ku gafin xuquuqda ay asxaabtu leedahay iyo xuquuqda bayaac mushtarka ,muwadiintu leeyihiin ee ah iney shirikaraan hudheeladooda kireysan karaan asxaabtu meesha ay doonto, ku shiri karto xafiisyadooda, hudheeladda ku shiraan, taasuna waxa caaddaa tahay iyadoo aan doorashaba la gaadhin ayaa xisbiga udub aad ogtihiin habeen walba ka dawataan tv yada isagoo gobalda oo dhan soo wareegaya, isagoo meel walba qabanaya, maantana waxaa la yidhi xisbiga KULMIYE kuma shiri karo huteel gudihii oo shir kuma qabsan karo bal caqligaa iyo maskaxdaasi halkey ka timi, waxey ka timid ayaan idiin sheegayaa sidii maanta oo aad arkeyseen ummada intaa leeg ee halkan isuku timid deynta qaranka wax la yidhaahdo, wax la waraabinayo oo layidhi luuqadii aad ku hadleyseen ee aad laheydeen libaax dhabtiibuu ku fadhiyaa oo aad maanta hadaad tihiin beesha habar-yoonis oo aad muujiseen anoo aad iyo aad idiinku mahad naqayaa oo idinku bogaadinayaa oo idinku mahad naqayaa dhalinyardiinii dadweynihii ila sodey meel walba oo aad joogtaan odayshiinii,halgamayaashinii, baayac mushtarkiinii iyo culimo aw diinkiina si aad muujiseen dareenka aad qabtaan ee ummada aad ugu horseedka tihiin ee aad muujinaysaan dadka iyo dalka dareenka aad ka leedihiin mustaqbalkiisa iyo aayihiisa sida aad uga warwareysaan, taasaa danta qaranka lagu dhisayey dad indho la’baa ka iibinayey cid dhameystirani ma jirto tii maanta idinkaa ka markhaati kacay, anigu taa waxba ka odhan maayo, waan ogaa marwalba xogogaalbaan ahaa gobonimadaa iyo geesinimadaa in badanbeynu kuwada soconey oo raggan odayaasha is wada agtaaganahay iyo inkaloo ka badani iyo intiin ahalkan fadhidaaba ay ka mid ahayeen waanu ogeyn.” Ayuu yidhi Silaanyo,
Waxaana uu intaa raaciyey oo uu yidhi “Walalayaal waxaanu idin leenahay dhalinyarooy, oo ah dadka maanta hawshaa soo abaabuley ee u fara badan waxaan leeyahay dhalinyarooy ballan-baan idinka qaadayaa anaga barnaamijkayaga todobaadkan baanu ku dhawaaqeynaa oo aanu soo saareynaa, way noo dhan tahay waxaan oo hadhey inaan soo bandhigno baa noo hadhey horaa barnaamijkan u laheyn laakin hal-ku-dhigisii, tafashiisii, Waxaana ku jira wixi iaanu dhalinyarada u qabaneyney sida aanu u tirsaneyney dhalinyarada iyo haweenka horaa ayaan anigu u idhi ‘anagu hadaanu nahay xisbiga kulmiye, anigu hadaan maanta siilaanyo ahey musharax-na ahey dadka cidiba cidbey tirsataa-baa la yidhi, ee anigu inta badan dadka madaxtooyada gaadha matirsado siday doonaan ha ku gaadhaane, waxaan tirsadaa haweenka iyo dhalinyaradu waayo iyagu maaha qaar halkaa taga.”
Gudoomiyuhu waxa uu ku ballanqaaday oo uu yidhi “Waxaan idiin ballanqaadayaa in isbadelka aad sheegteen in uu muuqdo indalkeena iyo dadkeena u baahan yahay, hadaanu xisbiga kulmiye nahay inaanu la nidaamno ayaanu idiinka ballan qaadney, waxaanu idinka ballanqaadney hawlahaa laga waayey dawlada maanta todobada sanno iyo badhka joogtey ee doorsho qaban kari weyday ee xilkii ka soo bixikari weyday, ee ballan qaadyada u qaadeysay gobolada oo dhan hadey wadooyin tahay, hadey ceelal tahay, hadey biyo tahay, hadey wax-qabasho kale tahay-ba. Burco lacagtiibaa laga badeli kari waayey sidii aad sheegeyseen wixii ay balan qaadey mid qudha kamey fulin hadana maanta maxay la timid oo ay odhaneysaa waanu fuliney. hadaynu nabadgalyada ilaashaney, nabad galyda shacabka reer somalilanda in ay ilaashanayaan baynu ognahay, ciidamadeenu waa kuwa imika nabad geliyada dhawraya ee ilaalinaya dalka difacanaya dadkii xoraysatay dalka aya ilaashanaya nabadgelyada, maamulka dawladu ma laha nabbad gelyada maalin walba su’aal baa la weydiiyaa markaan imika dibada wareegayo su’aasha ugu badan ee ley weydiiyaa mida ugu weyn waxaa la yidhaahdaa ‘hadii lagu boobo maxaad yeelaysaa? Afkeyga waxaa laga rabaa inaan yidhaahdo waan dagaalamayaa. Dagaal waa kaynu soo galney waa kii geesiyaasheenu ku dhinteen, waa kii ummad badani ku halagantay, dalkeena dagaal ku badeli mayno.” Ayuu hadalkiisa ku so oaf-meeray Gudoomiye Siilaanyo.
Dr. Maxamed Cabdi Gaboose, oo isna halkaas ka hadlay, ayaa waxa uu yidhi “Gudoomiye sooyaalkii nololeed ee ummadan, waayihii dheeraa ee wakhtigan taariikhbaad ku laheyd, waad u soo halgantey, waad u soo haraadey, waad u soo bukootey, waad u soo jabtey, waad soo xilo-keentey oo guulbay ku dhamaatey dalkaa maantaa saanu nahay dhiigaagii iyo dhididkaakiibaa ku maqan. Gudoomiye ka dib waxaa ku xigtey waxa naga xumaadey taas laftigeedu taariikhda ummada qiimo weyn bay u leedahay waayo hadaadan la khaldamin, hadaanad wax ka baran khaladkaaka, haadnad dib u gocan maalintii hore waxaad sameysay ummadi ma noolaato taana qeyb baad ku leedahay wanaagbaad ku leedahay gudoomiye.”
Dr. Gaboose waxa uu intaas hadalkiisa ku ladhay “Kolkii loo gudbay Axsaabta iyo nidaamka dimuquraadiyadeed waxaad muujisay dulkqaad odayeed, waxaad muujiseen adiga iyo xisbiga kulmiye dhamaan ragga halyeyga ah ee kujira iyada oo intaas oo gafa oo maanta ay ugu danbeysay ay idin horyalaan ayaad hadana dulqaad idinka oo dadkiina u lexo-jeclo leh ku soo gudubteen kuna soo xanbaartee. Gudoomiye waa inaad maanta indhahaaga ku aragtey dawladda ayaa mucaaridku dhagaxyada iyo taayirka la gubayo hor dhigi jirey maanta adaa dawlada oo dawladiibaa ku hordhigtey taayiradii. Gudoomiye waxba odhan maayo makhribkiibaa taagan, ardeyda halkan taagani iyo shacbiga intaa tiradda leeg ee taagani maxey u qabteen kulankan? waxay u qabteen kulankan tuhun baa imankara iney maqan yihiin, oo ay ka maqan yihiin xisbiga, waxaa weeyaan kow iney muujiyaan iney joogaan oo ay ku garab joogaan oo ay ku dhisayaan waxaa weeyaan habeen dhaweyto ardeyda mid ka mida oo ila hadlayey wuxuu yidhi ‘waxaan balanqaadaynaa anagoo shiling qaadan inaan albaab walba garaacno si aanu u soo saarno,’ mid kalana wuxuu igu yidhi ‘waxan balanqaadaynaa ardey kasta oo jaamacada ku jira oo hargeysa jooga inaangurigiisa ugu tagno oo shirweyn oo laga yaabo aanu ku wada qabsanojaamacada oo lagugu taageerayo.”
“Gudoomiye jaamacada hargeysa oo sida jaamacado fara badani ah, dhamaantood waxey maanta u kaceen isbedel waad arkeysaa qeylada iyo buuqa iyo huteelka dhibaatadii inagaqabsatey waxaan dadweynaha maanta jooga u soo jeedinayaa mulkiilaha huteelkan isagoo loo qorey waraaq la leeyahay laguma shiri karo hortooda ku yidhi, sababtu wax kale maaha ingiriiskuu ka yimi xuquuqda muwaadinku ayuu garanayaa wuxuu yidhi huteelkaygu waa xor. Gudoomiye markaad madaxweyne noqoto waan hubaa oo waad moqonaysaayee maalintaad qabsatid ha ilaabin Cismaan Kaahin. Gudoomiye halkan horteyda waxaan ku aragney askar fara badan waana u baxay waxaan idhi maxaa maanta daran oo loosoo baxdeen ma waxaa la yidhi soo xidh xidha mayee waxey yidhaahdeeniyagoo baqaya mayee madaxweynahaan kuwii dhibi lahaa ka ilaalineynaamarkaa waa inaad ku tallo gashaa ciidanku inuu ciidan kaa gii yahayshacbigu inuu shacbigaagii yahay ummadu iney ummadaadii tahaydhaqankii wanaagsanaa ee kulmiye lagu yiqaaney ee dulqaadka ahaa inaanwadno ilaa sanduuqa laga gaadhayo.”
Waxa isna xafladaas ka hadlay Maxamed Xasan Dirir oo ka mid ah dhalinyarada ka qalin-jebisay Jaamacadaha dalka, isla markaana ka tirsanaa dhalinyaradii soo qaban-qaabisay xafladaas, “Waxaa farxad ii ah inaan ka qayb-qaato isbedel hormuud u noqdo himiladii ay Ummadaydu ilaa lixdankii u soo halgamaysay ee ay naf iyo maal labadaba u wayday. Saiib darro waxaa noqotay oo aan aad uga xumahay in-badan-na aan dhaleecaynayaa nassiib-darra ay sameeyeen dad maanta talada dalka hayaa ee gartay inay abaabulaan dhalinyaro Taayiro ku gubta waddooyinka, taasina waa wixii uu is-ticmaali jiray taliskii hore ee dhacay [Af-weyne]. Haddii aanu dhalinyarada nahay arrintaa aad iyo aad ayaanu u cambaaraynaynaa.” Ayuu yidhi Maxamed Xasan Dirir,
Waxaana uu intaas raaciyey oo uu yidhi “Waxaan halkan ka sheegayaa haddii in badan la odhan jiray Rayaale waxa uu ku fadhiyaa dhab-Libaax, Liibaaxii wax-baa daarayoo wuu kacay, haddii uu Libaaxu kacana cidda ugu dhaw ayuu ugaadhsigiisa ka bilaabaa.”
Maxamed Xasan waxa uu shaaca ka qaaday in wixii maanta ka dambeeya uu ku biiriyo masraxa siyaasada, “Waxaad moodaa in dhaliyaru ka maqan yihiin saaxada siyaasada Somaliland. Dastuurka Somaliland ayaan maalin dhaweyd akhriyey, waxaan ku arkay in qofka oo reer Somaliland ahi xaq u lee yahay in uu ka qayb-qaado hawlaha siyaasada waddankiisa. Nasiib-darro waxaa ah haddii aanu dhalinyarada inaanu ka maqan nahay saaxada siyaasada, annaga oo ah cududdii wax bedeli lahayd. Halkan waxaan doonayaa inaan uga faa’idaysto oo dhilinyarada reer Somaliland wadda u jeexo, waxaan maanta doonayaa inaan halkan kaga dhawaaqo inaan ahay siyaasigii ugu horeeyey ee da’yar ee u soo ban-baxa masraxa siyaasada Somaliland.” Ayuu yidhi Maxamed Xasan Dirir,
Waxaana uu intaas ku ladhay oo uu yidhi “Siyaasadayda waxaan ku taageeri doonaa xisbiga KULMIYE iyo isbedel dhab ah oo Ummadani hesho. Dhalinyarada reer Somaliland ee da’da yar waxaan ugu baaqayaa ‘waar waxan ina haysta innaga ayaa sabab u ah oo doorana, oo iskuul dhigasho iyo Jaamacado dhigasho nolosheeno ku hagaagi mayso, kuwii [SNM] ay ka midka ahaayeen Lixle, Maxamed Cali iyo masuulka halkan [Siilaanyo] inala fadhiyaa ay ka midka ahaayeen, iyaga oo da’yar ayaad ogaydeen halkanka ay mareen, si aynu maanta halkan isugu wada nimaadno oo aynu nabad ugu wada hadalno, waana ay ku gulaysteen, innaguna waynu ku guulaysan doonaa
Maxamed Xasan waxa uu aad uga foollooday in dalku u baahan yahay isbedel dhab ah si looga baxo mushkukada dalka iyo dadkaba hadheeyey ee ay ka mid ka yihiin musuqmaasuqa, shaqo la’aanta iyo maamul-xumida.
Waxaa isaguna xafladaas ka hadlay Mustafe Maxamed Ibraahim oo ka mid ah dhaliyarada Jaamacadaha ee ka soo jeeda Beesha Habar-yoonis ee taageerada u muujisay xisbiga KULMKIYE, ayaa isaguna hadalkiisa ku bilaabay oo yidhi “Runtii ujeedada ugu weyn ee aanu xafladan u qabanay waxa weeyaan isbedel. Ummadu sidan ay ku jirto qof kasta oo caqli lihi waxa uu ka firikayaa inay u baahan tahay isbedel, maahmaah carbeed ayaa tidhaahdo ‘xilligii guul-darradu wuu dhamaaday, anna waxa aan idin lee yahay xilligii la sii fadhiyi lahaa wuu dhamaaday. Haddii uu dhab-libaax ku fadhiyi jiray [Rayaale] waynu ka kicinoo dhab Waraabe ayuu ku fadhiyaa.” Ayuu yidhi Mustafe Maxamed Ibraahim.
Waxa uu hoosta ka xiriiqay inay Xukuumada Rayaale ku guul-daraysatay inay wax ka qabato Waddada Oodweyne oo sideed sannadood kolba ballan loo qaadayay, dhismaha biriijka labaad ee caasimada Hargeysa iyo tayaynta hannaanka maamul-wanaaga dalka.
Waxa uu dhalinyarada ugu baaqay oo uu yidhi “Waxaan idiin sheegayaa meeshan [Somaliland] mustaqbalka ugu badan innaga ayaa leh, innaga ayaa doonayna inaynu dalkan wax taransanno, waxaan idin leeyahay dhalinyaroy kuwa dhabarkeena ku jira aynu badbaadino, si aynu berri ka maalin marka aynu isa soo hortaagno aynu weji uga helno.”
Dr. Cabdi Aw Daahir oo ka mid ah masuuliyiinta sar sare ee xisbiga KULMIYE, oo isna xafladaas ka hadlay, ayaa hadalkiisa ku bilbaabay oo yidhi “Maanta wax ay tahay hiil, calaamad iyo fariin loo dirayo dhamaan Somaliland in isbedel doonkii uu dhan yahay, in maanta KULMIYE dhab yahay, in maanta Somaliland lee dahay sideed sannanood oo la mid ah sideedii hore dooran mayno [xisbiga UDUB].”
Waxaana uu insaa hadalkiisa raaciyey oo uu yidhi “Beel-weynta Habar-yoonis ee maanta halkan isugu timi fariinta ay bixinayaa waxa weeye, waddadii Burco ilaa Hargeysa isku soo xidhaysay ee Oodweyne soo maraysay ee 8 sannadood la balab qaayayay, haddii aynu doorano [xisbiga UDUB] waxa aynu dooranay inaan waddadaas la samayn, taasna yeeli mayno. Haddiini aynu maanta UDUB doorano, waxa aynu dooranay inaan lacagta Giinbaarta ah ee Burco la bedelin, waxa kale oo aynu dooranay in dhulka la iibiyo, Daaraha la iibiyo, oo Paris, Shariqa, Kenya iyo DJabouti guryo laga dhisto, taa dooran mayno.”
Waxaana xafladaas agaasimkeeda qayb-weyn ka qaatay masuuliyiin kala duwan oo ay ka mid ahaayeen Xildhibaan Maxamed Xaaji Yuusuf Axmed [Waabeeye], Xildhibaan Maxamed Nuur Careele [Duur] Eng. Maxamed Jaamac Axmed iyo Maxamed Shukri.

Alshabaab iyo Hillary clinton

Hillary Clinton oo sheegtay in Kooxda Alshabaab ay halis ku tahay ammaanka Mareykanka iyo dadka Soomaalida intaba .

Coventry City(Golisnews.com-Xoghayaha Arrimaha dibadda Mareykanka Haweeneyda lagu magacaabo Hillary Clinton ayaa waxa ay ku sheegtay Xarakada Alshabaab ee Soomaaliya mid dhibaato ammaan ku ah jiritaankeeda dalka Mareykanka , maadaama uu xiriir kala dhaxeeyo Ururka Alqaacida .


Hillary waxa ay kaloo sheegtay in Alshabaab ay halis ku tahay muwaadiniinta Soomaaliyeed oo lagula dhaqaaqo howlo rabshado leh iyo kutumasho xuquuqdooda ,iyadoo la gooynayo qaar ka mid ah Xubnaha jirkooda , taasina ma ahan ayey tiri wax la aqbali karo.



Xoghayaha Arrimaha dibadda Mareykanka Haweeneyda lagu magacaabo Hillary Clinton oo weriyeyaasha kula hadleysay Magaalada Washington gelinkiii dambe ee shalay ayaa waxa ay tilmaantay laga maarmaanshaha in la taageero Xukuumadda KMG ah ee hadda ka jirta dalka Soomaaliya si loo xaqiijiyo ammaan , loona soo celiyo deganaanshihii Soomaaliya oo ay ka qeyb qaadanayaan beesha caalamka iyo Midowga Africa .



Dowladda Mareykanka ayaa iyadu raadineysa waddo ay kaga taqalusto Xarakadda Alshabaab sida ay sheegayaan ilo wareedyo laga helay Sirdoonka dibadda ee wadankaasi.Hillary Clinton hadalkan markii ay ku dhawaaqeysay ayaa waxaa garab fadhiyay Xoghayaha Gaashaandhigga Mareykanka Robert Gates.



Ilaa iyo hadda ma cadda qorshaha Mareykanka uu la damacsan yahay Soomaaliya , iyadoo lagu wado in cishooyinka soo aadan uu Magaalada Washington uu u safro Madaxweynaha KMG ah ee Soomaaliya Shariif Sheekh Axmed iyo wafdi uu hogaaminayo , halkaasoo lagu wado in kulan uu kula yeesho saraakiisha ammaanka wadankaasi.





Golisnews Suleiman Saeed Kabadhe

usama bin laden oo mareykanka u hanjabay

BIN LADEN THREATENS US OVER ALLEGED 9/11 PLOTTER

Osama bin Laden threatened in a new message released Thursday to kill any Americans al-Qaida captures if the U.S. executes the self-professed mastermind of the Sept. 11 attacks or other al-Qaidasuspects.

In the 74-second audiotape aired on Al-Jazeera television, the al-Qaida leader explicitly mentions Khalid Sheik Mohammed, who was captured in Pakistan in 2003. He is the most senior al-Qaida operative in U.S. custody and is currently detained at the U.S. naval base atGuantanamo Bay, Cuba.

In 2008, the U.S. charged Mohammed with murder and war crimes in connection with the Sept. 11, 2001 attacks on the U.S. Pentagon officials have said they will seek the death penalty for him. Four of his fellow plotters are also in custody.

“The White House has expressed its desire to execute them. The day America makes that decision will be the day it has issued a death sentence for any one of you that is taken captive,” Bin Laden said, addressing Americans.

After his March 2003 capture in Pakistan, Mohammed described himself as the architect of numerous terrorism plots and even claimed that “with my blessed right hand,” he had decapitated Wall Street Journal reporter Daniel Pearl. Pearl was found beheaded in Pakistan in 2002.

Mohammed, appearing in June 2008 for the first time since his capture five years earlier, said he would welcome becoming a “martyr” after a judge warned him that he faces the death penalty for his confessed role as mastermind of the Sept. 11 attacks.

“Yes, this is what I wish, to be a martyr for a long time,” he declared.

The U.S. is still considering whether to put Mohammed and the four fellow plotters on military tribunal. The Obama administration is also looking into recommendations for civilian trials, and is expected to announce a decision soon.

Al-Qaida is not known to be holding any Americans captive now. But the Haqqani group — the Pakistan-based Taliban faction closest to al-Qaida — is holding American soldier Pfc. Bowe Bergdahl who was captured in eastern Afghanistan in June 2009. It released a video of him in December.

Bin Laden also said President Barack Obama is following in the footsteps of his predecessor George W. Bushby escalating the war in Afghanistan, being “unjust” to al-Qaida prisoners and supporting Israel in its occupation of Palestinian land.

“The politicians of the White House were and still are wronging us, especially by supporting Israel and occupying our land in Palestine. They think that America, behind oceans, is safe from the wrath of the oppressed, until the reaction was loud and strong in your homeland,” he said of the Sept. 11 attacks. “Equal treatment is only fair. War is a back-and-forth.”

Bin Laden is believed to be hiding somewhere in the rugged, lawless border region between Afghanistan and Pakistan.

The prospect of giving Mohammed and the four fellow plotters a civilian trial in New York City has led to protests by residents and relatives of Sept. 11 victims who fear that such a move could again make the city a terrorism target and that they should instead face a military trial.

Earlier this month, South Carolina Republican Sen. Lindsey Graham said that if Obama agrees to try the five in military tribunals, he will press fellow Republicans to vote to close the Guantanamo Bay prison.

Graham told CBS television’s “Face the Nation” March 7 that reversing Attorney General Eric Holder’s plan to try the suspected terrorists in a civilian court in New York City would be seen as an act of leadership by the public. The White House is reviewing Holder’s plan and no new recommendation has been presented to the president. A decision is not expected for several weeks.
Sources:AFP

Rayaale oo adeegii wax qabad ee Isbitaalka hargeysa Siyaasadeeyay

Hargasya(Ramaas) Mar.25, 2010 - Guddidii Cisbitaalka Guud ee Hargaysa ee todobaadkan madaxwaynuhu kala diray kadib markii uu ku eedeeyay in ay sidii sharcigu ahaa xilkoodii u gudan waayeen oo ay xidhiidhkii ka goosteen wasaaradda caafimaadka iyo shaqada oo xukuumadda uga wakiil ah siyaasadda caafimaadka, ayaa ka hadlay waxqabadkoodii iyo xadgudubyo ay ku eedeeyeen in uu guddida ka galay wasiirkii hore ee Caafimaadka Mudane Cabdi Haybe Maxamed.

Guddoomiyaha guddida madaxa banaan ee cisbitaalka guud ee Hargasya Mudane Maxamed Xuseen Caabi iyo Suldaan Xasan Warsame Shire (Barre) ayaa shir jaraa'id oo ay ku qabteen xaruntooda magaalada Hargaysa waxay ku sheegeen in ay xilka banaynayaan, hase yeeshee muddadii ay shaqaynayeen oo ahayd muddo toban sannadood ah ay horumar iyo is bedel ku sameeyeen maamulka iyo muuqaalka Cisbitaalka guud ee Hargaysa, wax wayna ay ka badeleen adeegii uu bulshada u hayay.

Guddidani waxay sheegeen in ay dayac tir iyo dib u dhis ballaadhan ku sabeeyeen waadhadhka cisbitaaka guud ee Hargaysa, isla markaana ay ku soo kordhiyeen lix waadh oo cusub oo bukaan jiif ah, qaybta caruurta, qaybta umulaha, qabta dhimirka iyo labaatan qol oo ah kuwa gaarka ah, Istoodh wayn iyo qolka shirarka iyo tababarada.

Guddidu waxay sheegeen in ay si dhamaystiran u qalabeeyeen shan waadh oo kuwa qalliinka ah oo uu ugu deeqay dalka Kuwayd, Mishiin wayn oo ah nooca Oxgen-ka dhaliya, oo isagana uu cisbitaalka ugu deeqay dalka Kuwayd.

Guddidaasi waxa kale oo ay sheegeen in ay Cisbitaalka ku soo kordhiyeen shan gaadhi oo saddex kamidi yihiin Ambalaas, isla markaana ay dawooyin jaban keeneen si cisbitaalku dhaqaale uga helo, waxaanay intaa ku dareen in ay kabeen gunnooyinka shaqaalaha Cisbitaalka, isla markaana tababaro dalka gudihiisa iyo dibadiisaba isugu jiray u direen qaar kamida shaqaalaha isbitaalka.

Guddidu waxay gaashaanka ku dhufteen oo ay iska leexiyeen eedihii Madaxwaynuhu u soo jeediyay ee la xidhiidhay in ay xilkoodii u gudan waayeen sidii sharciga ahayd, waxaanay sheegeen in wasiirkii hore ee Caafimaadku uu guddida iyo cisbitaalkaba ka galay xadgudubyo badan oo ay ka mid ahaayeen bedelkii agaasimihii hore, gaadiidka Cisbitaalka oo uu lambaradii ka bedelay, Dhakhaatiirtii Cisbitaaka oo uu dhex galay qaarna eryay, nidaamkii dawada cisbitaalka oo uu bedelay iyo raashinkii bukaan jiifka ee WFP oo ay ku eedeeyeen in uu dhiniciisa ka istaagay.

Guddidu waxay sheegeen in ay xilkii baneeyeen, isla markaana wixii ay hanti lacageed ay u hayaan Cisbitaalka ay ku wareejin doonaan Hanti dhawraha guud, waxaanay ku dardaarmeen in loo baahan yahay in la ilaaliyo oo aan la xagal daacin nidaamka cisbitaaka u dejisan ee la xidhiidha dhinaca maamulka iyo horumarinta.




Ramaasnews Desk
Hargaysa

booliska burco oo gacanta ku dhigay gabadh laga soo dhacay garoowe

Booliska Togdheer oo Gacanta ku Dhigay Gabadh Yar oo Laga soo Xaday Garoowe
Tuesday, 23 March 2010
Gabadh 13 jir ah oo kooxdii xaday kaga badbaaday xannuun dhinaca beerka ah oo laga helay









Burco (Togdhnews)- Ciidanka booliska magaalada Burco ee xarunta Gobolka Togdheer, ayaa shalay gacanta ku dhigay gabadh yar oo la sheegtay in muddo laba bilood ka hor laga soo xaday magaaladda Garoowe ee maamul-goboleedka Puntland, taasi oo laga soo celiyey dhinaca dalka Itoobiya, kadib markii kooxdii loo geeyey oo baadhitaan caafimaad mariyey ay ka heleen xanuun dhinaca beerka ah.

Sida uu galinkii dambe ee shalay Jamhuuriya u xaqiijiyey madaxa baadhista saldhiga dhexe ee magaaladda Burco Cismaan Warsame Diiriye, waxa boolisku guri ku yaal magaalada Burco ku qabteen inanta yar ee la soo xaday oo la yidhaahdo Nimco Maxamed Xuseen, da’deeduna tahay 13 jir iyo gabadhii haysatay, kuwaasi oo hadda lagu hayo saldhiga dhexe ee Burco.

Madaxa baadhista saldhiga dhexe ee magaalada Burco oo sharaxaad ka bixiyey qaabka boolisku u qabteen inanta la soo xaday iyo haweenayda haysatay, ayaa tilmaamay in dadka xaafadda lagu hayay u soo gudbiyeen booliska, sidaana ay ku qabteen inantan yar iyo gabadhii haysayba.

Sarkaalkan booliska ahi waxa uu intaas ku daray in gaadha yari sheegtay in laga soo xaday Garoowe, isla markaana muddo bil ah ah lagu hayey dhinaca dalka Itoobiya, isaga oo xusay in gabadha yar ay shaybaadh caafimaad mariyeen kooxdii haysatay, kadibna ay ka heleen beer xannuun, sidaana ay isaga soo celiyeen, lana keenay dhinaca magaalada Hargeysa oo looga soo gudbiyey Burco.

Waxa kale oo Sarkaalkani, tilmaamay in gabadhii haysay inantan yar ee boolisku soo qabtay ay sheegtay in saddex dumar ah oo niqaam xidhani ay uga soo dhiibeen magaalada Hargaysa , kuna yidhaaheen Burco gee, isaga oo hadalkiisa ku soo koobay in laanta baadhista dambiya ee booliska Burco kiiskan gacanta ku hayaan, isla markaana baadhitaankiisu socdo.

Haweenayda haysatay inanta yar ee boolisku qabtay, ayaa iyaduna Jamhuuriya u sheegtay in Nimco yar ay Hargaysa uga soo dhiibeen saddex dumar oo niqaaman oo aanay wax aqoon ah u lahayn, balse ay ka codsadeen inay ilaa Burco sii kaxeeyo, kadibna ay gayso biriishka weyn ee Burco agtiisa, sidaana gabadha yari ku garana doonto gurigooda.

Balse, markii ay halkii loo tilmaamay gaysay ay inanta ayri u sheegtay in aanay magaalada kala garanayn, sidaana ay ku haysay.

Sidoo kale Nimco Maxamed Xuseen ayaa Jamhuuriya u xaqiijisay in magaalada Garoowe oo ay walaasheed kula noolayd laga soo ka xaystay muddo hada laga joogo laba bilood, kadib markii gabadh niqaam xidhan oo wejiga xidhatay inta ay sanka wax u saartay soo kaxaysatay.

“Walaashay ayaan kula noolaa magaalada Garoowe, kadibna maalin ayaa waxa ii timi gabadh niqaam xidhan oo aanan garanayn oo inta ay sanka wax ii saartay ayay I kaxaysatay, waxayna I gaysay dalka Itoobiya oo aan ilaa hadda garanayn meesha aan ka joogay, waxaana la iigeeyey carruur badan oo koox dumar ahi hayeen.

Carruurtii meeshay joogtay ayaa maalin shaybaadh caafimaad la wada mariyey, aniga markii la I baadhayna waxa la iga helay beer xannuun, waxayna kooxdii na baadhaysay yidhaahdeen tani way xannuun sanaysaaye inaga celiya, sidaa ayaana la iigu soo celiyey Hargeysa oo markii dambena Burco la ii keenay, aniga aabay waxa uu joogi jiray Xamar, hooyaydayna way dhimatay, waxaanan la joogay walaashay oo aan hadda xaafadeedii karanayo, hadii Garoowe la I geeyo,” ayey tidhi; Nimco Maxamed Xuseen oo ah inanta yar ee laga soo xaday magaalada Garoowe.

Geesta kale waxa Maxkamadda Degmadda Burco hadda ka socdda kiis u dhexeeyalaba qoys oo kasoo kale jeeda Maamul-goboleedkka Punthland iyo Itoobiya, kuwaasoo isku haysta Ilmo Shan jir oo qoyska reer Boosaaso ku doodeen in laga soo xaday Ilamaha balse qoyska Reer Itboobiya oo Oromo ahina ku doodeeninay iyagu dhaleen.

Guddoomiyaha Maxkamadda Degmadda Burco, ayaa isaguna hay’adda caafimaadka adduunka ee WHO ka dalbaday inay gacan ka gaystaan sidii Ilmaha looga qaadi lahaa hidasidaha loo yaqaan DNA, si loogu kala saaro labadan qoys.

Tallaabadan lagu xadayo carruurta yaryar amma ay laba qoys isku qabsanayaan ayaa u muuqata kuwo haantan ku soo badanayaa Gobolka Togdheer, mana aha markii koowaad ee kiiskani oo kale ayuu boolisku qabtaan oo ay gacanta ku hayaan.

TogdheerNews..Burco

tartanka xisbiyada ee burco

Maxaa ka soo if-baxay Loolankii Xisbiyadu ku Muujinayeen Cududa Taageerayaashooda Gobolka Togdheer?



Warbixin..Kayse A.Digaale Burco (syl)- Todobaadyadii u dambeeyey, waxa magaalada Burco ee xarunta Gobolka Togdheet, laga dheehanayey loolanka siyaasadeed ee saddexda xisbi qaran ka wadaan, kuwaa soo mid kasta dhiniciiga ugu muujinayo cududda taageerayaashiisa uu isku halaynayo doorashadda madaxtooyada.

Wafti ballaadhan oo uu horkacayey guddoomiyaha xisbiga mucaaridka ah ee UCID Eng. Faysal Cali-waraabe oo uu weheliyo guddoomiyaha golaha wakiillada Md. Cabdiraxmaan Maxamed Cabdillaahi (Cirro), ayaa iyagu kala kulmay Burco soo dhaweyntii ugu balladhnayd ee lagu soo dhaweeyo, iyada oo ay u muuqatay in xisbigu taageerayaal badan oo aanu filayn uga soo xeroodeen Togdheer.

Hadaladii uu guddoomiyaha UCID u jeediyey taageerayaashiisa soodhaweeyey, ayaa si weyn dadka u soo jiidatay, kadib markii uu farta ku fiiqay sida xukuumadda Riyaale ula dagaalamayso horumarka gobolka, taasoo uu tusaale u soo qaatay ganacsadaha Carbeed ee mashruuca naaxinta ka waday Burco ee uu madaxweynuhu xabsiga dhigay,kaasoo la sheegay inuu muddo 40 maalmood gaadhaysa xidhan yahay.

Eng. Faysal Cali-waraabe, ayaa farxaddii uu ka qaaday cududda taageerayaashii Burco ku soo dhaweeyey, waxa uu ku dhaqaaqay inuu si dhoollo tus ah isaga iyo guddoomiyaha wakiilladu socod lug tamashlayn ah ku mareen jidadka iyo goobaha bunka laga cabbo ee magaalada Burco, kuwaasoo dadku aad u sallaamayeen.

Sidoo kale, guddoomiye-ku-xigeenka 1aad ee xisbiga KULMIYE Md. Muuse Biixi Cabdi oo ay weheliyaan xubno sarsare oo xisbiga ka tirsani, ayaa iyagana si weyn loogu soo dhaweeyey Burco, iyaga oo taageerayaashooda oo isu soo bax ay ku soo dhawaynayaan ku qabtay barxadda xafiiska xisbiga KULMIYE ee Burco.

Xubnaha waftiga KULMIYE ayaa hadalladii ay taageerayaashooda u jeediyeen liishaanka ku saaray dhaliisha xukuumadda iyo siday uga gaabisay wax u qabashada bulshada, isla markaana ku guuldaraysatay beddelaadda lacagta giimbaarta ah ee aafaysay dhaqaalaha gobolka.

Hadalladdii dareenka dadka soo jiitay ee ka mid ahaa khudbaddii Muse Biixi Cabdi, ayaa ahayd mid uu ku sheegay in xisbiyada tartamayaa ay yihiin labada xisbi mucaarad, balse xisbiga UDUB aanay haysan waji uu bulshada cod ku weydiisto.

Masuuliyiin ka tirsan xisbiga tallada haya ee UDUB, ayaa iyaguna Gobolka Togdheer soo gaadhay, kadib markii soo dhaweynta ballaadhan loo soo sameeyey weftiga UCID, masuuliyiintaasi oo uu hoggaaminayey guddoomiyaha Ololaha doorashooyinka UDUB Md. Cismaan Cabdillaahi Cigaal (Cismaan-hindi) oo uu wehelinayo Kayse Cali Geedi oo isagu dhawaan ku biiray xisbigaasi UDUB, kadib markii uu ka baxay xisbiga UCID.

Xubnahan ayaa socdaalkooda habeenimada ah lagu tilmaamay mid ka dhashay hinaasaha iyo saska ay ka qaadeen cududda taageerayaasha xisbiga UCID ee ka muuqday magaalada Burco, waxayna culays weyn saareen sidii ay xubno muhiim ah oo ka tirsan xisbiga UCID u hanan lahaayeen, balse ay ku guuldarraysteen.

Inkastoo masuuliyiinta UDUB goob fagaare ah aanay kala hadlin taageerayaashooda, hase yeeshee waxay guul ka dhigteen kooxo dhalinyaro iyo odayaal ah oo ay xafladd soo dhaweyn ah u sameeyeen, kuwaasoo ay ku tilmaameen inay ka soo diga rogteen xisbiyada UCID iyo KULMIYE, Mauuliyiinta UDUB ayaa hadalada ka soo yeedhayay ay ku tilmaamayeen cadhada xoogan ee ay u qabaan UCID, kuna ballanqaadayay sidii ay u dhulka u dhigi lahaayeen Xisbigaasi

Loolankan ismuujineed ee saddexda xisbi qaran mid kastaaba si dadban dhoolatuska u samaynayey, isla markaana miisaanka saarayey inta ay le’eg tahay baaxadda taageerayaashiisu, ayaa soo ifbixiyey cuddudda taageerayaasha xisbiyada mucaaridka ahi ku leeyihiin Gobolka Togdheer, gaar ahaan xisbiga UCID oo dadku aad ula yaabeen taageeradda ballaadan ee uu ka kasbaday reer Togdheer, taasina ay noqotay hadal haynta ugu badan ee todobaadyadii u dambeeyey ka jiray Burco.

Tallabadan sii kordhisay taageerayaasha mucaaridka ee gobolka ayaa la sheegay inay sabab u tahay, arrimo ay ka mid yihiin ganacsatadii xoolaha Burco oo shaqadoodii xukuumaddu u leexisay ganacsade Al-jaaburi, beddelaad la’aanta lacagta giimbaarta ah iyo xadhigga loo gaystay ganacsadihii maalgelinayey mashruuca naaxinta xoolaha ee Burco.

Arrimahaas iyo kuwo kale oo badan ayaa sababay inay sii yaraato taageeradii xukuumadda iyo xisbiga UDUB ku lahaayeen magaalada Burco.





Jamhuuriya Online

Siilaanyo oo ka hadlay gudiga isbitaalka guud ee Hargeysa oo la kala diray

Hargeysa (Somaliland.Org)- Guddoomiyaha Xisbiga Mucaaradka ah ee KULMIYE Axmed Maxamed Maxamuud (Siilaanyo), ayaa Xukuumadda Madaxweyne Rayaale ku dhaliilay wax-qabad-la’aan iyo tacaddiyo ay kula kacdo shacabka qaarkood. Isla markaana wuxuu ka hadlay kala-dirista Guddida Cusbatalka guud ee Hargeysa.

Guddoomiyaha KULMIYE wuxuu ka waramay xaaladda dalka, isla markaana wuxuu dhaliil u jeediyay Xukuumadda. “Maanta dalkeenu marxaladda uu marayo ee uu taagan yahay waynu garanaynaa iyo waqtiga aynu joogno ee aynu u adkaysanay ee dadkii xilku ka saarnaa ee waajibku ahaa inay dalka Doorasho u qabtaan ee ay ahayd inay Dimuqraadiyadda hirgeliyaan ee ay ahayd inay horumarka dalka wax ka qabtaan oo ay caddaaladda sugaan, isla markaana Dhalinyarta Badda isku guraysa ee mustaqbalkoodii lumay ay ahayd inay mustaqbal u samayso oo ay niyadda u dhisto iyo maamulkii iyo dawladdii aynu uga baahnayn inay dadka qanciso oo ay rejo u abuurto oo ay dunida ina dhaadhiciso, waa ta aynu maanta arkayno maalin walba dhalinyaro Xisbiga KULMIYE ah ayay xaafad eryanaysaa oo ay Xabsiga u taxaabaysaa. Waa ta maalin walba xabbadda la dhacaysa, waa ta ay Saxaafaddii ka baxsan wayday, waa ta ay Hagbaddii (Lacagtii) yarayd eeay Haweenku halkaa dhiganayeen ka baxsan wayday.” Ayuu yidhi Axmed-Siilaanyo oo maanta ka hadlay Munaasibad loo qabtay taageerayaal cusub oo ku biiray KULMIYE.

Axmed-Siilaanyo waxa Madaxweyne Rayaale iyo Xukuumaddiisa ku dhaliilay tallaabo uu Madaxweynuhu ku kala diray Guddida Cusbatalka guud ee Hargeysa. “Waa ta maanta Cusbatalkii Hargeysa ee aynu ogayn waqtigii Dhalinyarta Hargeysa u gurman jireen ee dadku ay dhisi jireen ee halgankii SNM uu ka bilaabmay, waynu ognahay oo waa taa oo markii Madaxtooyadii ka soo horjeedday Cusbatalku ay wax u qaban wayday, guddidii, shacabkii iyo dadkii is-xil qaamay ee dibedda wax uga doontay ee dhaqaalaha dibedda uga soo ururisay ee maamulka wanaagsan u samaysay, waa ta Dawladdii maanta ka takhalustay ee Dhaqaatiirtii caanka ahaa ee dalka iyo umadda wax u qabanayay, waa kuwaa yidhi Shaqadii waanu idinka fadhiisinay, waxna laydiinkama baahna. Kuwa aynu isku hallaynaynaa ee umaddu wax ka sugaysaa (Xukuumadda) waa kuwaa.” Ayuu yidhi Axmed.

Waxa kale oo uu Guddoomiyaha KULMIYE ka hadlay arrimo la xidhiidha Nabadgelyada iyo xasilloonida dalka. Waxaanu yidhi, “In badan waxa nala waydiiyaa oo ay Xukuumaddu isku daydaa had iyo jeer in ay ka dhaadhiciso Umadda in xasilloonida iyo degannaanshaha dalku uu ku xidhan yahay maamulka maanta talada haya. Waa ogtihiin in ay maalin walba dad badan oo Xisbiga KULMIYE ah oo gobollo badan ka tirsan ay xidheen oo ay yidhaahdeen halkan ayay wax ku qarxinayeen oo dhibaato ayay wadeen. Nabadgelyada dadka iyo ilaalintiisa Xisbiga KULMIYE iyo shacabka ayaa cid walba uga lexe-jeclo badan oo ilaalinaya. Waxaanu in badan caddaynay in xasilloonida dalka, dimuqraadiyaddiisa iyo midnimadiisa aanu u ilaalinayno sidii aanu xornimadiisa u ilaalinaynay. Waxaanu ku kalsoonahay in aanu cod iyo ikhtiyaar shacabku leeyahay aanu ku qaadayno.” Ayuu yidhi, waxaanu sheegay in Weftiga ka socda Somaliland ee ku kala sugan Jabuuti iyo Maraykanku ay kala hadlayaan masuuliyiinta ay la kulmaan arrimaha Doorashada Somaliland.

Guddoomiyaha KULMIYE waxa uu ka hadlay su’aasha ugu badan ee ay dadku waydiiyaan. “Haddii Daahir Rayaale Kaahin iyo maamulkiisu ku kalsoon yihiin inay cod wax ku helayaan oo dadku taageero u hayaan, waxay maraysaa 7 sanno iyo badh inta Doorashadii la qaban waayay, waynu ognahay oo Dunida oo dhan baa isugu keen timi. Maanta Telefoonada ugu badan ee dibedda ka yimaadda waxaanu ka haynaa dadka Doorashadii ma dhacaysaa, goorma ayayse dhacaysaa? Waa qodobka kaliya ee lays waydiinayo. Anagu inta kaliya ee aanu dadka u sheegno iyo kalsoonida aanu ku abuurnaa waxa weeye, Doorashadii way dhacaysaa oo waqtigeedii ayay dhacaysaa, Dawladdana gacanta uguma jirto. Waxaanu leenahay oo aanu uga digaynaa Dawladda in aanay wax dambe oo musuq-maasuq ah oo dhibaato ah oo luggooyo ah ula iman geeddi-socodkaa Dimuqraadiyadda iyo Doorashooyinka. Waxaynu maanta ku talo-galaynaa oo aynu sugaynaa oo dhegteenu u taagan tahay waa Guddida Doorashada oo inoo sheegta oo ku dhawaaqda maalinta ay Doorashadu dhici lahayd.” Ayuu hadalkiisa ku soo gebogebeeyay Axmed-Siilaanyo.

Somaliland.Org

boorama oo dhulgariir ka dhacay

Dhul-gariir xooggan oo caawa laga dareemay magaalada Borama
March 24th, 2010 Comments Off

Borama (Somaliland.Org)- Dhul-gariir xooggan ayaa caawa laga dareemay Magaalada Borama ee Xarunta Gobolka Awdal, taas oo keentay in laga baxo dhammaan Xaafadaha magaalada.

Siday sheegayaan Wararka ka imanaya magaalada Borama ee Xarunta Awdal, Dhul-gariirkan oo caawa abbaaro 7:30 daqiiqo laga dareemay guud ahaan magaalada, ayaa sababay in dhammaan dadku ka baxaan Guryaha iyo dhismayaasha kale ee magaalada. Isla markaana keenay cabsi la soo deristay dadka magaalada ku dhaqan.

Warku wuxuu intaa ku daray in aanu Dhul-gariirkani wax khasaare ah geysan, hase ahaatee, uu ka duwanaa Dhul-gariiradii hore loogu arki jiray magaalada Borama.

Maaha markii u horraysay ee Dhul-gariir laga dareemo magaalada Borama ee Xarunta Awdal, hase ahaatee, hore waxa u jiray Dhul-gariirro kala duwan.

Somaliland.Org

Hargeisa News Desk

farxiya fiska 2010

axmed siilaanyo oo magacaabay guddida musdambeedka ololaha doorashada

SIILAANYO OO MAGACAABAY GUDI MIISAAN CULUS LEH OO LAGU XOOJIYEY HOGAANKA URURKA,

Guddoomiyaha xisbiga mucaaridka ah ee KULMIYE Md. Axmed Maxamed Maxamuud (Siilaanyo), ayaa magacaabay guddi musdambeedka oo miisaan culus oo lagu xoojinayo hoggaanka xisbiga, kuwaasi oo u xilsaaran taakulaynta iyo dabagalka hawlaha la xidhiidha ololaha doorashadda madaxtooyadda.

Sidaana waxa lagu sheegay qoraal shalay ka soo baxay xarunta dhexe ee KULMIYE oo uu ku saxeexan yahay guddoomiyaha xisbiga, isla markaana ah murashaxa u taagan doorashadda madaxtooyadda, kaasi oo u qornaa sedan;

“Maadaama uu soo dhawaaday Ololihii Doorashada Madaxtooyadda, loona baahan yahay Guddi heer Qaran ah oo u xilsaaran taakuleynta iyo dabagalka hawlaha la xidhiidha Ololaha Doorashada, waxaan u magacaabay inay hawshaasi gutaan Xubnahan hoos ku qoran oo lagu xoojinayo Hoggaanka Xisbiga, waxaana ay kala yihiin:-

1. Cabdicasiis Maxamed Samaale, Gudd. Ku xigeenka 1aad ee G. Wakiilada

2. Baashe Maxamed Faarax, Gud. Ku Xigeenka 2aad ee G. Wakiilada

3. Jaamac Maxamed Shabeel, Gudd. Golaha Dhexe ee Xisbiga

4. Maxamuud Jaamac Warfaa, Gudd. Ku Xigeenka G. Dhexe

5. Canab Cumar Ileeye, Xog. Haweenka Xisbiga

6. Dr. Maxamed Cabdi Gaboose, Gudd. Ololaha Gobollada Bariga

7. Baashe Cabdi Gaboobe, Gudd. Ololaha Gobollada Galbeedka

Guddigan waxa Guddoomiye u ah Guddoomiyaha Xisbiga KULMIYE Md. Axmed Maxamed Siilaanyo.”

Jamhuuriya Online

udub iyo kulmiye kee guulesanaaya

Marka hore ilaahaybaa og cidda guuleysaneysa doorashada soo socota ee Somaliland. Kii ilaahay u calfay ayaanu noqonayaa. Ilaahaeyna haynooga dhigo kuu kheyrku ku jiro. Walaw ay muhiim tahay Isbeddelku. Waayo ta ugu yar waxa weeye kan maanta waa la tijaabiyey. Sideed sanadood waa la asqoobey. Mid kale shan kale ha lagu tijaabiyo
Markeynu odorosnu yaa guusha helaaya oo ilaahay ogyahay. Haddana inaku waxeynu miqyaaseynaa bal beelahu sidey u kala taageersanyihiin. Waxaan qiimeynaynaa isbarbardhig doorashadii 2003 iyo ta aynu fileynu in ay dhacdo 2010. Samaroon kulmye waxbaa uga kordhaaya-dinaca maxamed casse. sacadmuuse-kulmiye waxbaa uga kodhaaya-dhinaca jibriil abokor, habaryoonis- kulmiye waxbaa uga kordhaya-gobolka togdheer. Habarjeclo- kulmiye waxbaa uga kordhaaya dhinaca solol madaw iyo muuse abokor. Inta kaleba hadaad sideeda u deysid intaas ayuu ku guuleysanayaa iyo dhallinyarada iyo hooyooyinka oo isbeddel doonaaya. Shaqo la’aaan iyo tahriih uu maamulka udub la kowsaday.
at 12:51
Posted by Somalilandnabad

farxiya kabayare iyo hees cusub

fuaad cumar iyo Farxiya kabayare

Duqayda iyo Waxgaradka Beesha Bahabarceli (Samaroon) ee Boorama iyo Saylac oo ku Dhawaaqay Inay si Buuxda u Taageersan Yihiin KULMIYE

Duqayda iyo Waxgaradka Beesha Bahabarceli (Samaroon) ee Boorama iyo Saylac oo ku Dhawaaqay Inay si Buuxda u Taageersan Yihiin KULMIYE
Boorama (Jam)- Duqayda iyo waxgaradka beesha Bahabarceli [Samaroon] ee ku dhaqan degmooyinka Boorama iyo Saylac iyo degaannada hoosyimaad, ayaa ku dhawaaqay inay beeshoodu taageero buuxda u hayso xisbiga KULMIYE, wax arrintaas iska beddelayna aanay jirin.

Xubno ka mid ah odayada waxgaradka iyo aqoonyahanka beesha Bahabarceli oo deegaanno kala duwan kala soo xidhiidhay wariyaha Jamhuuriya ee gobollada galbeedka Mr. Cabdiraxmaan Maxamed Habbane, waxay sidoo kale beeniyeen warar sheegayay in xubno beesha ka tirsani ay taageero u muujiyeen xisbiga UDUB, iyaga oo sheegay in arrintaasi ku kooban tahay laba shakhsi oo aan rayigooda gaarka ah beesha ku matalin, xisbiga UDUB iyo beesha Bahabarcelina ay waayo hore kala xidhiidh furteen.

Maxamed Ibraahin Qawrax [Farabadane] oo ka mid ah odayaaasha beesha Bahabarceli ee degaanka Gargooray, ayaa Jamhuuriya u sheegay in beesha BAHABAR CELI ay si buuxda u taageersan tahay xisbiga KULMIYE oo ay horeba u taageersanayeen, waxana hadalkiisa ka mid ahaa; "Dhawaaqa yar ee aad Xariirad ka maqasheen waanu dabagalnay wuxuu ahaa wax ku kooban laba shakhsi, ummadna kuma matali karaan, beesha Bahabarcelina taageeradeeda waa la ogyahay oo waa xisbiga KULMIYE, waxaanunakalsooni buuxda siin doonaa musharrixiinta KULMIYE ee doorashada soo socota Md. Axmed Siilaanyo iyo Eng. Saylici.”

Maxamed Ibraahin Qawrax waxa go’aankan ku weheiyay gudidad odayada beesha ee deegaanka Gargooray oo kala ah Muxumed Madar Wooble [Garbaje], Suge Xirsi Diiriye, Cabdi Warsame Xoosh, Cabaade Cige Faarax iyo Xasan Muxumed Ismaaciil.

Xubno kale waxa iyaguna Jamhuuriya kala soo xidhiidhay degaannada Boon, Xariirad, Ceelbaxay, Fiqi Aadan iyo Sh Awaare ayaa iyaguna ku dhawaaqay in beeshu si buuxda u taageersan tahay xisbiga KULMIYE wax arrintaas iska beddelayna aanay jirin shakhsiyaad iyo beeshuna kala miisaan weyn yihiin.

Abiib Rooble Xoosh oo ka mid ah duqayda beesha ee deegaanka Boon ayaa isaga oo ku hadlayay magaca duqayda Bahabarceli ee ee deegaanka Boob waxa uu yidhi; “Arrinta yar ee soo baxday waa war fakaday oo ay laba nin aqal hoostii ku qoreen, waxaanan ummadda u caddaynaynaa haba yaraatee inaanu jirin wax taageero ah oo ay beeshu u muujisay xisbiga UDUB. Annagu horreyso iyo dambaysaba waxa aanu nahay xisbiga KULMIYE. Waxa hore loo yidhi meel haddii lagu maydho waa lagu qallajistaa, markaa wax ay UDUB noo hayso iyo wax aannu u haynaa midna ma jiro.”

Cali Cabdillaahi Suldaan oo ka mid ah duqayda degaanka Boon ee nala soo xidhiidhay waxa hadalkiisa ka mid ah; "Bulsho iyo laba shakhsi way kala miisaan badan yihin. Waxa la yidhi, hangaraarac lug uma dhutiyo, laba qofna kalsooni beesha ma leexin karaan, waxaanan bayaankayagan ku muujinaynaa inaanu KULMIYE nahay horena KULMIYE u ahayn."

Xubnaha duqayda Bahabarceli ee degaanka Boon nagala soo xidhidhay waxa kale oo ka mid ah Saleebaan X. Muxumed Ibraahin, Rooble Nuur Kadiye iyo Cabdiraxmaan Dixood Malow.

Rooble Nuur Kadiye oo isna nala soo xidhiidhay ayaa sheegay in beesha Bahabarceli ee degaanka Ceel-baxay ay si buuxda u taageersan yihiin xisbiga KULMIYE, waxaanu yidhi; "Waxaannu ka xunnahay shakhsiyaadka ka been abuurtay masiirka beesha Bahabar celi oo hore cid ballan ula gashay ballankaas oo ah xisbiga KULMIYE-na way fulin doontaa, cidda run sheegaysa iyo ka beenta sheegayaana way kala caddaan doontaa, nin soori kaa qaadayna hore ayaa loo yidhi waa nin seefi kaa qaaday."

Intaa kuma koobna ee xubno kale oo fikirkan aaminsan kana cadhooday dhawaaqa xubnaa labada ah ee ay sheegeen ayaa nagala soo xidhiidhay meelo kala duwan oo ay ka mid yihiin xariirad,Fiqi Aadan, Sh. Awaare iyo meelo kale.

Waxa kale oo odayaasha weriyaha Jamhuuriya kala soo xidhiidhay degaanka Xariirad ka mid ah Maxamed Muuse Kaahin, Cabdi Muumin Muuse, Saleebaan Garaad Rooble, Ibraahin Rooble Cabdalle iyo Aadan Cumar Dharaar.

Deegaanka Sh. Awaare waxa isna nagala soo xidhiidhay Caydiid Kaamil Khayre [Furjano], Cismaan Muuse Xoosh, Coofle Jaamac Xoosh, Diiriye Muuse Deheeye.

Deegaanka Fiqi Aadan waxa isna nagala soo xidhiidhay Cabdi Muxumed Qayaad, Cabdi Muumin Kaahin, Saleebaan Xuseen Cumar [Afartaba-qaad], Ibraahin Isaaq Axmed iyo Maxamed Cumar Fariid iyo xubno kale.






Jamhuuriya Online

chief caaqil maxamed daahir cabdi qodax oo si heer qaran ah loogu aasay hargaysa

Hargeisa(Golis)- Alle ah u naxariistee waxaa Maanta oo bishu tahay 17 march 2010 si heer qaran ah loogu aasay magaalada hargeysa jiif caaqil maxamed daahir cabdi(Qodax), kaddib markii oo shalay ku geriyooda magaalada djibuuti ee xarunta dalka Djibouti



Marxuum maxamed Daahir wuxuu beryahan dame u xanuunsaday cudur wadnaha halkaaas oo daaweyn loogu qaaday waxaase dhacay qadar eebe oo aan la baajin karin. jiif caaqil maxamed daahir wuxuu hormood ka ahaa 30kii sanadood ee ugu dambeeyay samaynta taariikhda cusub ee s/land isagoo halgankii ,nabadayntii iyo dib u dhiskii dalkaba qayb laxaadleh ka soo qaatay .
waxaa aaskiisa ka soo qayb galay dadwayne aad u farabadan oo kakala yimi gobolada somaliland gaar ahaan hargaysa iyo togdheer oo ay kamid ahaayeen madaxwaynaha jamhuuriyada somaliland mudane daahir riyaale kaahin ,gudoomiyaha xisbiga kulmiye mudane axmed maxamuud siilaanyo gudoomiye ku xigeenka koowaad ee golaha wakiilada cabdi casiim maxamed samaale iyo madaxsare oo kamid ah golayaasha iyo axsaabta qaranka

xaalada paul iyo rachel chandler

Xaaladda Lammaanaha Ingiriiska ah ee ku af-duuban Soomaaliya ka dib dagaal dhex maray Budhcaddii haysatay
March 14th, 2010 Comments Off

Hargeysa (Somaliland.Org)- Xildhibaan Axmed Maxamed Diiriye (Nacnac) oo ka tirsan Golaha Wakiilada Somaliland, ayaa sheegay in lammaane dhalashadoodu tahay Ingiriis oo Afduub loogu haystay dalka Soomaaliya gabadh la joogtay la la toogtay.

Xildhibaan Nacnac oo maanta u waramay qaar ka mid ah Warbaahinta, waxa uu sheegay in Lammaanahan Ingiriiska ah gabadh la joogtay la toogtay, ka dib markii uu dagaal dhex maray Malleeshiyadii Afduubka u haystay. Waxaanu intaa ku daray in xogtan uu ka helay nin lagu magacaabo Cali Geedow oo ku hadlay Afka Budhcad-Badeedda haysata lammaanahan.

Mudanuhu waxa kale oo uu sheegay in Afhayeenkani aanu wax faahfaahin ah oo intaa dheer ka bixinin xaaladda lammaanahan, hase ahaatee ay ugu war dambaysay markii ay Rasaastu ku dhacday Gabadha. Isla markaana mar uu la xidhiidhay oo isku dayay in uu Khadka Telefoonka ku helo aanay u suurtogalin, ka dib markii uu Afhayeenka Budhcad-Badeeddu ka qaban waayay Telefoonka.

Lammaanahan u dhashay Ingiriiska ayaa shantii bilood ee laga soo gudbay Afduub loogu haystay Koonfurta Soomaaliya, ka dib markii Koox Budhcad Soomaali ahi ay ka afduubeen Xeebaha Jasiiradda Seychelles. Iyaga oo dalbaday Lacag Madax-furasho ah oo ay ka diidday Dawladda Ingiriisku inay bixiso.

Somaliland.Org

Hargeisa News Desk

wararkasomaliland@gmail..com







Somaliland.Org HomeArchives Somaliland About us Contact us Calendar ^^© 2008 Somaliland.Org

togdheer iyo banaanbaxii kulmiye

Wafti Balaadhan Oo ka mid ah xisbiga Macaradkaa Ee Kulmiye uu Hogaamanayo Mujaahid Muuse Biixi Oo Soo Gaadhay Magaalada Madaxda Burco Dawo Sawirada

Burco(golisnews.com)-Xubno sare oo ka tirsan xisbiga kulmiye oo la hadlay taageerayasha xisbiga kulmiye kumanaan taageerayaal ah oo lulaya calanka Xisbiga kulmiye ayaa Maanta isku xeeray Barxada weyn ee ka horaysa Xafiiska guud ee xisbiga ee magaalada Burco. Waxaana ugu horayn halkaa ka hadlay Gudoomiye ku xigeenka koowaad ee Xisbiga, Muuse Biixi. Waxa uu umahad celiyey sida wanaagsan ee taageerayaasha xisbiga Kulmiye usoo dhaweeyeen waxa kale oo uu sheegay in dawlada hada jirtaa gabtay hawlahooda shaqo isla markaana loo baahan yahay isbedel wax ku ool ah.

Waxa kale uu carabka ku dhuftay taariikhda maguurtada ah ee gobolkani ku leeyahay Somaliland dhinacyada halganka,suugaanta iyo siyaasada. Waxaana hadaladiisii ka mid ahaa, “Burco halgan kasta lambar wan ayay ahayd waxaana tusaale kuugu filan taariikhda Sheikh Bashiir oo aad wada garanaysaan.”
Mujaahid Muuse Biixi
Waxaa isna halkaasi ka hadlay Xildhibaan C\raxmaan Tanyaale oo sheegay in Xisbiga talada haye ee Udub Waxbarashada sare ee Dalka uu siiyo 1.8 milyan doolar halka uu kulmiye siyaasada wasaarada waxbarasha ay tahay 15 boqolkiiba oo udhiganta 10 malyuun oo doolar sanadkiiba. Dhinaca kale, waxa uu xusay Xildhibaan Cabdiraxmaan Tanyaale Gobolada Bariga Somaliland. “Xukuumadu way hagratay Gobolada Bari ee Somaliland. Waxay kaliya oo ay ku wadaa hore socod iyo dib u socod, caga jugalayn, ciidamo dusha laga saaro”, ayuu yidhi Cabdiraxmaan Tanyaale.


Waxaa isaguna goobtani ka hadlay Dr Cabdi Aw Daahir Cali oo sheegay in cida l a rabo in la Bedelo ahayn shaqsi kaliya balse ay tahay xukuumad fadhiida’. “Cida aan bedelaynaa shaqsi maaha, Daahir Rayaale maaha ee waa maamul xun”, Sidaa ayuu yidhi. Waxaa kale oo uu sheeghay in aan loo dulqaadan karin Shan sano o kale oo Tahriiba ee loo baahan yahay in umada Somaliland hesho shaqo, caafimaad iyo maamul wanaagsan. Waxaana hadaladiisii ka mid ahaa, “shan sano oo kale oo tahriiba ah, shaqo la,aana, ictiraaf la,aana miyaan ugu dari karnaa umadeena.”


Taageerayaasha xibiga Kulmiye ee isugu soo ururay barxada ay madaxdani ka hadlaysay ayaa u muuqday qaar sacab iyo damaashaad ugu jabaab celinyaa khudbadaha xubnahan sare ee Kulmiye ka socday.

Waftigan uu hogaminayo Mujaahid Muuse Biixi waa waxa lagu wadaa in uu kulamo faraban la yeesho dhamaanba Madaxda Gobalka Togdheer iyo Salaadiinta Gobalka Togdheer wax garadka iyo aqoon yahanka waxa kaloo iyana barbar tala in uu kulmiyo kulmo ku leyahay Gobalka Togdheer caasimada labaad ee Somaliland Burco waxa baryahan Burco noqotay madasha siyaasada Somalaind oo aad moodo in laga soo raray Hargaysa.


Lama garan karo wafdidani in ay Burco sii joogi doonan iyo in ay u gudbi doonan Gobalada kale ee Bariga Somaliland isku soo wada duboo kulankani waxa uu ahaa Dhoolatus iyo iswaraysi u gara Madaxda Kulmiye iyo taageerayaasha Gobalka rer Togdheer.



Todobaadadii ugu danbeeyey ayaa waxay umuuqatay Burco mid ay ku hirdamayaan madaxda xisbiyada mucaaridka iyo muxaafadka, iyadoo aanay wali komishanku ku dhawaaqin goorta ay bilaabmayso ololaha dooroshooyinka Somaliland.

faysal cali waraabe oo soo gaadhay burco

wafti balaadhan oo uu hogaaminaayo gudoomiyaha xisbiga ucid mudane faysal cali waraabe ayaa maanta si diiran loogu soo dhaweeyay magaalo madaxda gobolka togdheer ee burco. waftigaas oo u ambabixi doona gobolada bariga soomaalilaand waxaa laga yaabaa inuu waftigaasi joogi doono burco labada maalmood ee soo socda. waxa baryahanba jiray olale ay wadaan xisbiyada mucaaridku ee kulmiye iyo ucid iyagoo doonaaya inay hantaan taageerada shacabwaynaha gobolka togdheer oo aad u hoos ugu dhacayso taageerada xisbiga talada haya ee udub ka dib markii muddo sideed sanadood ah oo ay talada hayeen wax horumar ah oo la taaban karo aanay sameen .

hees cusub 2010 iyo Ikraan caraale

Wasiirka maaliyada oo warar sheegayaan in xilka laga qaadaayo

Sooyaal News

WAR DEG DEG AH KHILAAF SOO KALA DHEX GALAY WASIIRKA MAALIYADA IYO MADAXWEYNE RIYAALE .

Qilaafkaan ayaa la sheegaya in ay ka dan baysay ka dib markii uu madaxwene Riyaaleuu lunsaday lacagtii maxjarka berbera. wasiirka ayaa eedeyn kulul Dusha ugu tuuray madaxwene Riyaale kadib markii uu lunsaday madaxwene Riyaale miisaaniyadii Lacageed ee maxjarka ber bera taas oo uu sheegay wasiirka in uu jeebkiisa ku shubtay madaxwene RIyaale uusana ku soo darin miisaaniyada . Wasiirka ayaa sidoo kale ku eydeeyay madaxwenaha in ay tahay mid sharci daro ah oo aan la aqbali karin . wasiirka ayaa laga yaabaa eydeentaani in ay u keeni doonto in uu xilkiisii ku waayi doono waxaana ilo lagu kalsoonaan karo ay sheegayaan in wasiirka uu wayi doono xilkiisa goor dhow. balse su'aasha meesha taalo ayaa ah hadii wasiirka xilka laga qaado meesha miyay ku dhamaandoontaa arintaani. madaxwene Riyaale ayaa wali ka hadlin eedyntaani iyadoona la ogsoonyahay in hadii uu madaxwenaha arintaani ka hadlo ay shicibka somaliland ay ku mudaahardi doonaan . lama oga talada uu ka qaadan doono madaxwene Riyaale arintaan iyadoo ay arintaanin ay cirka usii shareerayso. yuusufcumar115@hotmail.
Date: 2010-03-01
Readed 75 Times

Dawlada hoose oo qashin ururintii hargeysa ku fashishay

Badhtamaha Hargeysa ma dhexmartay labadii casho ee u dambeeyey? Dabadeedna ma yaabtay!

Hargeysa (Jam)- Caasimadda Somaliland ee Hargeysa, ayaa dhawrkii maalmood ee la soo dhaafay la ciirciiraysay culays xad-dhaaf ah oo ka dhashay qashin iyo biyo isbiirsaday oo buux-dhaafiyey badi jidadka waaweyn ee magaalada oo halis weyn ugu jirta inay ka dillaacaan cudurrada faafa.

Roobabkii ka da’ayey caasimadda, ayaa daaha ka fayday fadeexado nadaafad-darro culus iyo qashin tiro badan oo buux-dhaafiyey xaafadaha iyo hareeraha jidadka waaweyn ee magaalada, arrimahaas oo qarka u saaran inay sababaan cudurro halis ah oo si fudud u dillaaca.

Qashinka iyo xashiiska tuulan inta badan magaalada ka sakow, waxa labadii casho ee la soo dhaafay dadweynaha lugta ah iyo gaadiidkuba khaati ka taagnaayeen biyo iyo dhiiqo isbarkan oo dul ceegaaga badi jidadka waaweyn ee caasimadda, gaar ahaan waddooyinka muhiimka ah ee dhexmara faras-magaalaha, kuwaasoo oo marka laga yimaad khataraha caafimaad ee ka dhalan kara saamayn weyn ku yeeshay isu-socodka dadka iyo gaadiidka kala duwan.

Guud ahaan jidadka ku yaal badhtamaha caasimadda waxa saddexdii maalmood ee u dambeeyey wadhnaa biyo iyo dhiiqo isku maleelmay oo ka dhashay biyaha roobabka curtay iyo ciiddii tirada badnayd ee laamiyada wadhnaa oo ka dhigay kuwo aan dadka lugta ah mari karin, sidoo kalena dadka gaadiidka wataa dhibaato badan ku haya.

Waxa kaloo roobabka labadii maalmood ee u dambeeyey ka da’ayey magaalada uu dibadda u soo saaray qashin aad u tiro badan oo wadhan hareeraha waddooyinka waaweyn iyo xaafadaha dhexdooda, iyadoo shirkadaha waddaniga ah ee qandaraaska ku haysta nadaafadda iyo fayo-dhawrka caasimaddu ku guuldarraysteen inay Hargeysa ka badbaadiyaan halista caafimaad ee ka dhalan karta saxa-xumada xilli-roobaadyada.

Goobaha sida gaarka ah indhuhu u qabanayaan ee qashinku tuulan yahay waxa ka mid ah jidka wadnaha ee u dhow dugsiga hoose/dhexe Sh. Bashiir ee magaalada Hargeysa, halkaas oo uu yaal xashiish aad u tiro badan oo si fudud u horseedi kara inay ka dhashaan cudurro halis ah, sidoo kalena fool-xumo iyo fadeexad weyn ku ah bilicda caasimadda oo ay shacabka uga wakiil yihiin 25-ka xildhibaan ee golaha degaanka, kuwaasoo dad badani ku tilmaamaan kuwo ku fashilmay hawshii loo doortay.

Sidoo kale, xashiish aad u tiro badan ayaa yaal xaafadaha Hargeysa, gaar ahaan kuwa isku raranta ah ee dadka danyarta ah deggan yihiin, waxana xilligan oo roobkii gu’gu curteen laga cabsi qabaa xaaladda nadaafad-darro ee caasimaddu dhex dabbaalaysaa ay sababaan inay ka dillaacaan xannuunada faafa oo si fudud u aafeeyn kara milyanka qof ee ku nool magaalada.

Dhinaca kale, masuuliyiinta labada shirkadood ee DHIS iyo SABO-WANAAG ee qandaraaska ku haysta nadaafadda iyo hagaajinta bilicda caasimadda oo iyaga laftoodu u muuqda qaar tuurta ku qaatay masuuliyad awoodooda waxqabad ka badan, ayaa kalfadhigii ugu dambeeyey ee Golaha Degaanka Hargeysa waxay kaga dalbadeen in loo kordhiyo kharashka dawladda hoose ku siiso fayo-dhawrka oo ay ku tilmaameen mid aan daboolayn hawshooda, balse codsigaas wax jawaab ah kama bixin goluhu.

Geesta kale, Wasaaradda Caafimaadka Somaliland, ayaan ilaa hadda wax war ah ka soo saarin halista caafimaad ee Hargeysa kulaalaysa, arrintaas oo iyana ah fadeexad iyo guuldarro ay la wadaagto dawladda hoose ee caasimadda oo ku fashilantay gudashada waajibaadkii ummaddu u igmatay.





Jamhuuriya Online
Printable version Email this to a friend

somaliland iyo salaadiinta

salaadiinta habaryoonis

1. Suldaan maxamad Suldaan Xirsi Qani
2. Suldaan Cusmaan Suldaan Cali madar
3. Suldaan Yusuf Muxumad Xiiray
4. Suldaan Rashiid Cali Ducaale
5. Suldaan Maxamad Xasan Iibraahim
6. Suldaan C/Raxmaan C/Lahi Good
7. Suldaan Cabdi Cawaale Hurre
8. Suldaan Xiis Iismaaciil Abiib
9. Suldaan Xasan Warsame Shire
10.Suldaan Maxamad Suldaan Xasan Bulbul
11.Suldaan Aadam Yusuf Nuur (suulcayn)
12.Suldaan Maxamuud Cabdi C/Laahi
13.Suldaan Cali Cumar Salax
14.Suldaan Mahad Maxamuud Caraj (caraj)
15.Suldaan C/Raxmaan Maxamad Cilmi
16.Boqor Axmad Cali Ducaale (a/dheere)
17.Boqor Maxamad Nuux
18.Suldaan Iid Maxamad SHire
19.Suldaan Siciid Cali Ducaale
20.Suldaan Nuur Farax Xuseen
21.suldaan Maxamad Jamac Ducaale (jikaar)
22.Suldaan Maxamuud Xaaji C/Laahi Xirsi
23.Suldaan Bulbul Cabdi Madoobe
24.Suldaan Saleebaan Cusmaan Xasan
25 Suldaan Maxamad Muxumad Ducaale (golos)

SALADIINTA IYO BOQORADA BEESHA CIDAGALE

1 . Suldaan Maxamad Suldaan Cabdi Qadir.
2. Suldaan Maxamad C/Lahi Xuseen (agalaal)
3. Suldaan Aadam Farax Cumar
4. Suldaan Cali C/KLaahi Ba,ane
5. Boqor Raabi Yusuf C/Laahi


Salaadiinta habarjeclo

1. Suldaan C/Lahi Suldaan Cali Muuse
2. Suldaan Maxamad Cali Maxamed (Maxamed Baqardhe)
3. Suldaan Maxamuud Guleed Mire
4. Suldaan C/Raxmaan Qasim Qodax
5. Suldaan Carab Cabdi Cali
6. Suldaan Siciid Yusuf Ducaale
7. Suldaan Maxamad Xaaji Xuseen
8. Boqor Maxamuud Cali Carab
9. Boqor Cusmaan Aw Maxamuud Yususf (buurmadaw)
10.suldaan axamed faahiye mire
11.suldaan siciid yusuf xaaji ducaale
12.suldaan madar maxamed ducaale
14. Suldaan Ismaaciil Nuur Wacays (Qude)
15.suldaan maxamed cabdi axmed {warqabe)
16.Suldaan ibraahim cige ismaaciil
17.boqor maxamed jamaca cumar

SALADIINTA IYO BOQORADA BEESHA SACAD MUUSE

1. Suldaan Xasan Suldaan C/Lahi
2. Suldaan Iismaciil Suldaan C/Raxmaan SH Muxumad
3. Suldaan Xasan Suldaan Nuur Asakar
4. Suldaan Axmad Nuur C/Lahi Samale
5. Suldaan Sulub Nuur Warsame
6. Suldaan Iismaaciil Aadam Xirsi
7. Suldaan Xuseen Iismaciil Geele
8. Suldaan Jaamac Cusmaan Aadam
9. Suldaan Xiis Barre Yusuf
10.Suldaan Xasan Maxamad Geele
11.Boqor Muxumad Geele Seed

SALADIINTA IYO BOQORADA BEESHA CIISA MUUSE

1. Suldaan Maxamuud Axmad SHire
2. Suldaan Cusmaan Suldaan Cali Koshin
3. Suldaan Maxamad Maxamuud Xandulle (indhacase)
4. Suldaan SHariif Batuun


SALADIINTA IYO BOQORADA BEESHA ARAB
1.suldaan maxamed farax(alyar xamu)
hada ama iminka
1. Suldaan Cumar Suldaan Maxamad Suldaan Farax
2. Suldaan Barre Xaaji Xasan Cabdille
3. Suldaan Iibrahim SHire
4. Suldaan Xuseen Xaji Cabdi C/laahi (mataan)
5. Suldaan C/Laahi SHeekh Axmad
6. Suldaan C/Raxmaan Suldaan cali SHagax
7. Boqor Ciise Haybe KHayre

SULDAANKA AYUUB IYO TOLJECLE

1. Suldaan Cali Xuseen Kaahin


SULDAANKA TOLJECLE


2 Suldaan Ahmed Dahir muuse

siilaanyo taariikhdiisa iyo barnaamijkiisa :Daawo

Caleemo-saarka Ugaaska Beelaha Ciise, iyo wufuud badan oo soo gaadhay saylac

Caleemo-saarka Ugaaska Beelaha Ciise, Saylac oo Wufuud la Ciirciiraysa iyo Roobab ka Da’ay Gobolka Salal oo Ergooyin Badan Xanibay
Saylac (SNN)- U diyaargarowga munaasibadda caleemo-saarka Ugaaska cusub ee beelaha Ciise Ugaas Mustafe Maxamed Ibraahim, ayaa si weyn uga socda magaalada Saylac ee xarunta Gobolka Salal, iyadoo halkaasi ay ku qulqulayaan ergooyin fara badan oo ka qaybgalaya caleemo-saarka.


Munaasibadda caleem-saarka Ugaaska oo lagu wado in maalinta Isniinta lagu qabto magaalada Saylac, ayaa waxa magaaladaasi iyo guud ahaan gobolka Salal laga dareemayaa hawlaha loogu diyaargaroobayo caleemo-saarkaasi oo muddo badan la sugayey, waxaana magaalada ka socda nidaaminta hab-sami u socodka xafladda, dejinta wufuud tiro badan oo ka qaybgalaysa iyo soo dhaweynta Ugaaska oo ku soo wajahan magaalada.


Caleemo-saarkan oo ku salaysan xeerka beesha Ciise oo ka mid ah xeer-dhaqameedyada ugu faca weyn bulshada Soomaalida ee aanay waxba iska beddelin, isla markaana qabanqaabada iyo u diyaargarowgiisu muddo dhawr bilood ah soo socday, waxa la filayaa inay ka qaybgalaan kumanaan qof oo isugu jira wufuud dawladeed oo ka kala imanaysa Somaliland, Jabuuti, Itoobiya iyo Soomaaliya iyo weliba ergooyin dhaqameed ka kala imanaya qabaa’ilka bulshada Soomaalida, sidoo kale aqoonyahano, abwaano iyo marti sharaf kale.


Munaasibadda caleemo-saarka Ugaaska oo loo qorsheeyey inay dhacdo maalinta Isniinta ee fooda inagu soo haysa, ayaa durba waxa magaalada Saylac isugu yimi boqolaal qof oo ka mid ah dadka ka qaybgalaya munaasibada, kuwaas oo guddiga qabanqaabadu ku mashquulsan tahay dejintooda iyo habayntooda, iyadoo loo diyaariyey goobihii la dejin lahaa.

Haseyeeshee, sida ay sheegayaan wararka ka imanaya gobolka Salal, waxa ka curtay roobab laxaad leh oo halkaas ka da’ayey labadii maalmood ee u dambeeyey, kuwaas oo hakad geliyey qaar ka mid ah ergooyinkii dhinaca Somaliland ka tagay, kadib markii gaadiidkii ay wateen u suurtogeliwayday inay ka gudbaan dooxyada waaweyn ee xeebta oo biyo badani ka soo rogmadeen.


Ali Jamac
Salalnews Hargaysa

David Miliband meets with somali community

Afhayeenka budhcad-badeedda Soomaaliya oo shuruud ku xidhay sii deynta lamaanaha Ingiriiska ah.

Afhayeenka budhcad-badeedda Soomaaliya oo shuruud ku xidhay sii deynta lamaanaha Ingiriiska ah.
Written by Qarannews
Feb 27, 2010 at 03:58 AM

Afhayeenka budhcad badeedka soomaaliyeed oo shir jaraa,id ku qabtay magaalada muqdisho ayaa shaaca ka qaaday inaysan sii deyn doonin lamaanaha ingiriiska ah ee ay haystaan islamrkaana ku andacooday in laga haysto boqolaal ka tirsan budhcadooda .

Khaliif Idiris Cismaan oo sheegay inuu yahay afhayeenka Budhcad badeedka oo la hadlayey saxaafada ayaa shaaca ka qaaday inaysan ahayn Budhcad balse ay yihiin Ururka Ilaalinta Xeebaha islamrkaana ay la dagaalamayaan oo madax furasho ka qaataan maraakiibta shisheeye ee ka qowlaysata xeebaha soomaaliyeed waa siduu hadalka u dhigaye .

Mr .Idiris oo faah faahin dheeraad ah ka bixiyey sidii ay ku abuurmeen budh cad badeedku ayaa tilmaamay in markii ay la xaalufiyey islamarkaana cagta la mariyey kaluunkii xeebaha soomaaliyeed ay ciilkii ,cadhadii iyo gaajadii ku kaliftay inay afduubtaan maraakiibta maraya badweynta taasina ayuu yiri ay tahay mid Muhiim u ah umada iyo dalka soomaaliyeedba waa siduu hadalka u dhigaye.

Afhayeen Idiris oo ay saxaafadu weydiisay inay Lacagaha ay ka qaataan maraakiibta ay tahay xaaraan islamrkaana ay meelaha qaarkood fasahaad ka bilaabeen ayaa gaashaanka ku dhuftay inay xaaraan tahay oo ugaarsadaan oo keliya maraakiibta shisheeye ee aysan kuwa ganacsatada soomaalida waxba qabsan waa siduu tilmaamaye isagoo iska fogeeyey inay jiraan lacag ay ku fasahaadeen ee ay dalkooda wax ugu qabtaan .

Mar wax laga weydiiyey lamaanaha biritishka ah ee waayeelka ee ay haystaan ayuu ku sheegay aysan soo deyn doonin islamrkaana ay madax furasho ka rabaan ama ay ku bedelan doonaan boqolaalka budh cad badeed ee ay laga haysto .

Hadalka Afhayeenkan budhcad badeedka soomaaliyeed sheegtay ayaa kusoo beegmaya xili ay qaylo dhaan kasoo baxayso waxgaradka iyo jaaliyadaha soomaaliyeed ee wadanka ingiriiska islamrkaana ay ku doonayaan in layska sii daayo lamaanaha Ingiriiska ah ee ay haystaan Budhcad badeedka soomaaliyeed .

Next>
Back

David Miliband- xoghayaha arimaha dibeda ee Ingiriiska oo booqday masjid somali ah oo bariga london

London(Qarannews)-Xoghayaha arimaha debeda u qaabilsan dawlada Britain arimaha debeda ayaa maanta (jimce 26 feb 2010) booqasho ku yimi masaajidka soomaalida ee ku yaala biriga London. Xoghayaha oo ay weheliyeen xubno ka tirsan dawlada britain iyo ilaaladiisa gaarka ah ayaa soo galay masaajidka xili ay socotay qudbadii salaada jimce oo uu jeedinayey sheekh Maxamuud Sheekh Axmed Dalmar. markii uu Xoghayuhu soo galay masaajidka waxa uu iska bixiyey kabahii waxaanu fadhiistey meel loo sii qorsheeyey oo ahayd safka hore ee masaajidka.

Xoghayuhu waxuu dhegeystey khudbadii jimce oo ku baxaysay luqadaha carabiga, soomaaliga iyo luqada ingiriisida. khudbada oo ku saabsanayd wada noolaashaha, isdhexgalka bulashada iyo xuquuqda binu'aadamka ayaan ka fogeyn ama la mid ahaydba waxyaalaha xoghayaha laftiisu uu doonayey inuu kala hadlo dadkii muslimiinta ahaa ee halkaa ku tukanayey. markii qudbadii dhamaatey waxaa loo kacay salaadii xoghayuhu waxuu istaagey meel dhinaca bidix ee masaajidka ku beegnayd isagoo ay ka muuqatey xushmad uu xushmanayey masaajidka iyo dadka muslimiinta ahaa ee halkaa ku tukanayey.

Markii salaadii dhamaatey ayaa waxaa halkaa hadal kooban ka jeediyey Sheekh Ibraahim Maxamed Yuusuf "Nakhci" oo dadka u sheegay inuu maanta marti u yahay David Miliband oo ah xoghayaha arimaha debeda ee dawlada Britain isla markaana waxaa uu mahadnaq u soo jeediyey xoghayaha iyo sida uu waqtigiisii ugu soo hibeeyey masaajidka iyo mujtamaca soomaalida ku dhaqan bariga london. sheekh Ibraahim waxuu ku soo dhoweeyey microphoneka Xoghayaha oo hadalkiisii ku bilaabay "Salaama Caleykum".

Xoghayuhu waxaa uu u mahadnaqay dadkii suurto geliyey ee ku marti qaaday masaajidka, waxaa uu ka hadley xaalada wadankii soomaaliya la odhan jirey hada ku sugan yahay. waxuu ku nuuxnuuxsadey sida ay lagama maarmaan u tahay in xal loo helo dhibaatada aan dhamaadka lahayn ee ku habsatey waxii loo yaqiin soomaaliya. xoghayaha oo socdaalkiisu ku wajahnaa baraarujin soomaalida ku dhaqan ingiriiska lagu baraarujinayo dhibaatada ay leedahay waxa loo yaqaan argagixisadu iyo sida ay lagama maarmaan u tahay in meel looga soo wada jeesto. wuxuu kaloo ku dheeraaadey dhibaatada budcad badeedu ku hayso biyo badeedka soomaaliya iyo kuwa caalamiga ahba.

waxuu kaloo xohayuhu ka hadley qadiyado caalamiya isagoo sheegay in qadiyada Falastiin tahay arin muhiim u ah nabada caalamka oo dhan, waxuu xoghayuhu yidhi "dawlada Britain waxay aqoonsantahay xadkii u dhaxeeyey Israel iyo Falastiin waxii ka horeeyey 1967, iyo in la sameeyo wadan ay leeyihiin dadka reer Falastiin oo madaxbanaan caasimadiisuna tahay Bariga magaalada barakeysan ee Qudus, Israelna ay caasimad u tahay galbeedka magaalada Qudus". waxuu xoghayuhu kula dardaarmay dadkii muslimiinta ahaa ee halkaa ku tukanayey inay amniga ilaaliyaan isla markaana dalka ingiriiska u arkaan dalkoodii, isagoo xusuusiyey soomaalida inuu ku dhashay wadanka ingiriiska balse ay waalidkii wadankan ku yimaadeen qaxooti, maantana uu yahay xoghayaha arimaha debeda ee Britain.

Isku soo wada duuboo booqashan wasiirka ayaa ka turjumaysey sida ay dadka soomalidu u yihiin hada dad ay isha ku hayaan wadamada reer galbeedku. sababaha ay isha uga hayaana waxaa ka mida waxa reer galbeedku ugu yeedho la dagaalanka argagixisada oo dhalinyarada soomaalida ee ku nool wadamadan looga welwel qabo inay ku milmaan ama qaataan figradaha kooxo ka mida kuwa ku dagaalamaya soomaaliya. kooxaha ku dagaalamaya soomaaliya qaar ka mida ayey dawladaha reer galbeedku ku tilmaamaan argagixiso iyo inay xidhiidh dhow la leeyihiin Alqaacida oo ay si weyn isu hayaan reer galbeedka.

Arintan booqashada xoghayaha ayaan ka madhnayn olole siyaasadeed oo uu xisbiga shaqaalaha ee talada wadankan gacanta ku hayaa ku doonayaan cod ay ka helaan dadka muslimiinta ah ee ku nool Britain. dhinaca kale waa markii ugu horeysey oo qof jogo noocan oo kale ah ka hayaa dowlada britain uu booqdo masaajidka soomaalida ee bariga London, waxaana masaajidka soomaaalidu guddoonsiiyey xoghayaha abaalmarin ay ku qoran tahay towxiidku. waxayna ku booriyaan xoghayaha iyo dawladaba inay bartaan oo akhriyaan qur'aanka kariimka ah.

Qarannews London
Last Updated ( Feb 26, 2010 at 03:55 PM )

Axmed Siilaanyo oo ka hadlay arrimaha doorashooyinka

Hargeysa (Togdhnews)- Guddoomiyaha xisbiga mucaaradka ah ee KULMIYE Md. Axmed Maxamed Maxamuud (Siilaanyo), ayaa qiray inay muddo-dhaaftay waqtitgii ay filayeen in lagu dhammeeyo


sixitaanka kala shaandhaynta diiwaangelinta codbixiyayaasha ee mashiinka Serfarka, isla markaana arrintaasi ku hayso welwel hor leh.

Guddoomiye Axmed-siilaanyo waxa uu sheegay in inkasta oo ay socdaan hawlihii u diyaargarowga doorashada oo Komishanku shaqadooda wadaan, haddana cayimaad la’aanta waqtiga ay doorashadu qabsoomayso ay tahay arrin caqabad ah oo ay is waydiinayaan axsaabta iyo shacabkuba. Waxaannu daboolka ka qaaday in muddadii ay ku wadeen in lagu dhammeeyo sixitaanka diiwaangelinta codbixiyayaasha ay dhaaftay, arrintaasina ay wadatashi kala samayn doonaan Komishanka Doorashooyinka Qaranka.

Md. Axmed Siilaanyo oo ka hadlayey doorashooyinka iyo rajada laga qabo inay dhakhso u dhacaan, waxa uu sheegay in xisbiyada qaranka iyo dadweynaha reer Somaliland waxa keliya ee ay sugayaan ay tahay doorashada Madaxtooyada inkasta oo aannu weli Komishanku cayimin waqtigii ay dhici lahayd, balse ay socoto hawlihii loogu diyaargaroobayey.

Isagoo arrintaa ka hadlayeyna waxa uu yidhi; “Arrimaha doorashooyinka waynu ogayn oo sidii heshiisku ahaa Guddiga Doorashooyinka iyo hay’adaha la shaqaynayey ee farsamada xagga Serfarka hawlihiisa ku jiray ayaa gacanta ku haya, sida heshiisku ahaa waxa lagu ballamay in aan hawlahaasi axsaabtu farogelin oo dadka gacanta ku haya loo daayo, weli sidii ayaanu kalsooni ugu qabnaa oo aannu leenahay hawshii ha qabtaan, laakiin su’aasha annaga iyo shacabka intiisa badan iswaydiinayaan oo welwelkeedu nagu jiro oo ah ilaa waqtigan maanta ee aynu joogno in aan waqti mucayan ah oo doorashada la qabanayaan ka soo bixin, si kastaba ha ahaatee shacabka iyo annaguba axsaab ahaan waxaannu u diyaargaroobaynaa doorasho.

Waanu ognahay iyadoo dawladdu marka horeba dalka waxba ka qaban oo ay ahayd inay u socoto dalka wax-ka-qabashadiisa, horumarkiisa, caafimaadkiisa, tacliintiisa iyo biyihiisa ayey iminka olole qaadeen oo xisbiga UDUB u socsocday, xisbiga UDUB isagu ma kormeerayo waxay dawladdu qabanayso ee waa shaqadeeda dawladda inay qabato, wixii ummadda wax loogu qaban lahaana waa waxa Xoghayaha Guud ku wareegayo ee uu kharashka ummadda ku bixinayo, waxaannuna u aragnaa mid waqtigiisa laga hordhacayo oo been ah, loona isticmaalayo hay’adaha dawladda qaab aan sharci ahayn.”

“Komishanka doorashooyinku waqtigan xaadirka ah waynu ognahay oo gobollada ayuu wareegayaa oo wuxuu qorayaa shaqaalihii ka hawlgeli lahaa doorashada, waana mid ka mid ah hawlaha u diyaargarowga doorashada, waana arrimo aannu u aragno inay ahayd hawl loo baahnaa in la qabto, waxa qudha ee dhimani ilaa hadda ee muhiimka ahi waxa weeye arrinta Serfarka [mashiinka kala shaandhaynaya dadkii isdiiwaangeliyey], arrintaasi annaga welwel badan bay inagu haysaa runta marka aynu u dhacno, maadaama aan weli wax rasmi ah laga haynin, annagu waqtigii aannu rajaynaynay inay ku dhammaato way ka durugsan tahay, markaa bal waxaannu jecelnahay in aannu Komishanka isku noqono oo arrintaa wax iska waydiino, annaga iyo dadkaba dareenkaasi wuu nagu jiraa, laakiin wax gooni ah iminka ka samayn mayno ee waanu dhawraynaa arrintaa,” ayuu yidhi Md. Siilaanyo oo waraysi gaar ah siiyey Idaacadda Horyaal iyo telefishanka SSCL.

Guddoomiyuhu waxa uu si adag u cambaareeyey tallaabadaxukuumaddu xabsiga ugu taxaabtay xidhay Mr. Abshir Xasan Xaashi oo ka tirsan KULMIYE, isagoo shaki ka muujiyey waxa masuulkaasi oo hore uga tirsanaan jiray shaqaalaha Madaxtooyadu uu ka hayo Madaxtooyada ee ilaa hadda laga samri la’yahay, maadaama dhawr jeer la xidhay, waxaannu ku baaqay in si degdeg ah xorriyadiisa loogu soo celiyo.

“Wax badan baa socda oo ay maanta ugu dambaysay in madaxdii KULMIYE iyadoo awalba caado ay ahayd in dhallinyaro, dad aan waxba gaysan iyo saxaafadda la xidhxidho, maantana rag madaxdayada ka mid ah oo xisbiga ku jira ayaa shalay [Salaasadii] waxa la xidhay nin KULMIYE ka mid ah oo beri horena Madaxtooyada iyo Madaxweynaha qoyskiisa la shaqayn jiray, markii dambe UDUB ka soo digo-rogtay oo ay tahay markii afraad amma shanaad ee la xidho, taana ummaddu way ogtahay, waxa loo aanaynayaana tahay Madaxtooyada, waxa ninkaasi meesha [Madaxtooyada] ka galayna ummaddu aad iyo aad ayey isku waydiinaysaa, wuxuu u hayey ee uu kaga fadhiyo ee ay tabeen ee meeshaa laga waayey, kana hadhi la’yihiin wax la yaab leh weeye, isagoo wax alle wax uu gaystay aanay jirin, ninkaas xaaska iyo carruurta leh ee aanay jirin cid uu dambi u gaystay. Arrintaa annagu si buuxda ayaanu u dhaleecaynaynaa, waxaannu leenahay waa in si degdeg ah xorriyadiisa loogu soo celiyaa, haddii taa la samaynwaayana tallaabada aannu ka qaadayno waanu ka qaadayno talo ayaanu iskaga noqonaynaa,” ayuu yidhi Guddoomiyaha KULMIYE Axmed-siilaanyo.

Mar uu Md. Siilaanyo ka hadlayey siyaasadda arrimaha dibada Somaliland waxa uu sheegay in xukuumadda Madaxweyne Rayaale ay ka midho-dhalin kariwayday inay dunida ka dhaadhiciso qadiyadda Somaliland, isla markaana ay ka xumaato socdaalada xisbiga KULMIYE ku tago dibada oo ah qaar uu xisbigu kaga shaqeeyo sidii Jamhuuriyadda Somaliland ay u heli lahayd aqoonsi, tallaabooyin muhim ahna uu qaaday, iyadoo Xoghayaha Arrimaha Dibada ee xisbiga KULMIYE Dr. Maxamed Cabdillaahi Cumar oo ah nin aqoonyahan ah oo dunidu dhegaysato uu shirar badan kaga hadlay qadiyadda Somaliland.

Waxa kale oo Guddoomiyuhu cambaareeyey diidmadii Wasiirka Xannaanada Xoolaha Diris Ibraahim Maxamed inuu hortago Guddiga Dhaqaalaha Golaha Wakiillada oo uu ku tilmaamay in aanay ahayn nidaam dawladnimo, isla markaana xukuumaddii ku amri lahayd inuu golaha hortago ay la ogtahay diidmadiisa.


TogdheerNews



[ Back ]

Waa sidee xaalada madaxweyne kuxigeeka somaliland

Xukuumadda Somaliland oo ka warbixisay xaaladda Caafimaad ee M/weyne-xigeenka
February 25th, 2010 Comments Off

Hargeysa (Somaliland.Org)- Xukuumadda Somaliland ayaa ka warbixisay xaaladda Caafimaad ee Madaxweyne-Xigeenka Somaliland Axmed Yuusuf Yaasiin oo muddooyinkii u dambeeyay xaalad Caafimaad u jiifay Cusbatal ku yaala magaalada Paris ee dalka Faransiiska.

Wasiirka Xannaanada Xoolaha Somaliland Dr. Idiris Ibraahim Cabdi oo hadda booqasho ku jooga dalka Faransiiska, ayaa sheegay in xaaladda Md. Axmed Yuusuf Yaasiin ay hadda wanaagsan tahay, isla markaana hadda loo ogol yahay dadku inay booqdaan. Wasiirku wuxuu sidaa ku daray in la filayo in dhawaan uu ka soo baxo Cusbatalka. “Wuxuu yaala Waadh caadi ah oo caafimaadkiisu 100% waa fayow yahay, labadii maalmood ee u dambaysay waxa loo ogolaaday in ay dadku booqan karaan. Caafimaadkiisuna aad buu u wanaagsan yahay oo wuu soo baxayaa.” Ayuu yidhi Wasiirka Xannaanada Xooluhu oo u waramay Laanta Afka Soomaaliga ah ee BBC-da.

Warkan la xidhiidha xaaladda Caafimaadka ee Madaxweyne-xigeenka, ayaa waxa uu ka dambeeyay ka dib markii maanta guud ahaan magaalooyinka Somaliland lagu baahiyay in uu geeriyooday Madaxweyne-xigeenku, taas oo ay sidoo kale beeniyeen Madaxtooyada Somaliland oo Warsaxaafadeed arrintaas ka soo saaray.

Somaliland.Org

Hargeisa News Desk

wararkasomaliland@gmail.com

Komishanka Somaliland oo dalka Keenaya Kaadhadh Lagu Gelayo Doorashada Madaxtooyada

Komishanka Somaliland oo dalka Keenaya Kaadhadh Lagu Gelayo Doorashada Madaxtooyada.

Hargeysa(Ramaas) Feb.24, 2010 - Komishanka doorashooyinka Somaliland ayaa la sheegay inay dalka keenayaan kaadhadh cusub oo doorashada madaxtooyada lagu geli doono, kuwaasi oo la siin doono dadkii sifaha sharciga ah isku diiwaan geliyay sidaasi waxa lagu sheegay warbixin ay maanta faafisay Laanta Af-soomaaliga ee Idaacada VOA-da.
Warkaasi waxa lagu sheegay in kaadhadhkan cusub lagu soo heshiiyay ka dib markii Guddoomiyaha Komishanka doorashooyinka Somaliland Md. Ciise Xamari uu booqasho ku tagay Magaalada Nairobi ee dalka Kenya, kaadhadhkan ayaa la sameyn doonaa marka la ogaado tirada rasmiga ah ee ka ansaxday diiwaan gelintii codbixiyeyaasha ee lagu murmay liiskii hore ee ka soo baxay.
Xogtaasi waxay intaasi ku dartay in khaadhadhkan cusub ee lagu gelayo doorashada madaxtooyada ay kharashka ku baxaya 80% ay bixinayaan wadamada qaadhaan bixiyeyaasha ah halka 20% ay bixin doonto xukuumada Somaliland.
VOA-du waxay sheegtay in khaadhkan cusub oo muddo todobaad ah la qeybin doono la siin doono codbixiyeyaasha ku soo baxa liiska kama damaysta ah ee diiwaan gelinta codbixiyeyaasha marka la kala hufo mishiinka Server-ka ee macluumaadkii diiwaan gelintu ku kaydsan yihiin.
Dhinaca kale, ma jiro wax war ah oo ay Komishanka doorashooyinka Somaliland oo la xidhiidha arrinta khaadhadhkan, mana jiro wax dareen ah oo ay sadexda xisbi qaran ka bixiyeen khaadhadhkan cusub ee lagu geli doono doorashada madaxtooyada.

Ramaasnews Desk
Hargeisa

gudomiyaha gudida joogta ah oo leysku mari la'yahay

Fadhigii Shalay ee Gudida Joogtada ah ee Golaha Guurtida:



Hargeysa (GolisNews) Fadhi ay shalay ku yeesheen xarunta golaha guurtida Somaliland Xubnaha Guddidda Joogtada ah ee Golaha Guurtidda Somaliland oo la filayay in ay ku soo doortaan Guddoomiyaha Guddida Joogtada, Ku-xigeeniisa iyo Xog-hayaha Guddida ayaa isku mari waayay in ay soo xushaan xubnahaasi, ka dib markii ay soo ban-dhigeen laba Xubnood oo kala ah Muxumed Aw Axmed X. Aadan iyo Maxamed Ducaale Qurux in mid kastaa u sharaxan yihiin Guddoomiyaha Guddida, kuwaasi oo ay kala taageersan yihiin Xubnaha Guddida Joogtaddu, taasi oo loolan adag iyo buuq ka dhex abbuurtay fadhigii oo sababay in ay Xildhibaanadu bari u dhigtaan Doorashada hoggaanka Guddidooda.


Fadhigii u dambeeyay ee Golaha Guurtidda ee Shir-gudoonka Guurtidu ku soo ban-dhigay liiska isku shaan-dhayn ah oo ay ku sammeeyeen Guddiyada Golaha oo in badan khilaaf wayni ka taagnaa ayaa Guddoomiyaha Guurtidu Mudane Saleebaan Maxamuud Aadan ku amray Guddiyadaasi ay magacaabeen in toddobaad gudihii ay ku soo dhammaystiraan Guddiyadu in ay doortaan Hoggaanadooda kala duwan, si Goluhu uu u galo fasixiisii caadiga ahaa, balse arrintani ay maanta Guddiga Joogtaddu isku mari waayeen ayaa la filayaa haddii ay bari go’aan ka gaadhi waayaan inuu dib u dhici doono fasixi Goluhu geli lahaa, taasi oo hor-seedi doonta in loolan adagi ku dhex-maro Guddidayadaasi xulashada hogaanadooda oo sababi karta in heshiiskii la gaadhay ay saamayn ku yeelam doonto.






Golis News


Hargeisa/somaliland

khilaaf guddida joogtada guurtida

Fadhigii Shalay ee Gudida Joogtada ah ee Golaha Guurtida:



Hargeysa (GolisNews) Fadhi ay shalay ku yeesheen xarunta golaha guurtida Somaliland Xubnaha Guddidda Joogtada ah ee Golaha Guurtidda Somaliland oo la filayay in ay ku soo doortaan Guddoomiyaha Guddida Joogtada, Ku-xigeeniisa iyo Xog-hayaha Guddida ayaa isku mari waayay in ay soo xushaan xubnahaasi, ka dib markii ay soo ban-dhigeen laba Xubnood oo kala ah Muxumed Aw Axmed X. Aadan iyo Maxamed Ducaale Qurux in mid kastaa u sharaxan yihiin Guddoomiyaha Guddida, kuwaasi oo ay kala taageersan yihiin Xubnaha Guddida Joogtaddu, taasi oo loolan adag iyo buuq ka dhex abbuurtay fadhigii oo sababay in ay Xildhibaanadu bari u dhigtaan Doorashada hoggaanka Guddidooda.

Fadhigii u dambeeyay ee Golaha Guurtidda ee Shir-gudoonka Guurtidu ku soo ban-dhigay liiska isku shaan-dhayn ah oo ay ku sammeeyeen Guddiyada Golaha oo in badan khilaaf wayni ka taagnaa ayaa Guddoomiyaha Guurtidu Mudane Saleebaan Maxamuud Aadan ku amray Guddiyadaasi ay magacaabeen in toddobaad gudihii ay ku soo dhammaystiraan Guddiyadu in ay doortaan Hoggaanadooda kala duwan, si Goluhu uu u galo fasixiisii caadiga ahaa, balse arrintani ay maanta Guddiga Joogtaddu isku mari waayeen ayaa la filayaa haddii ay bari go’aan ka gaadhi waayaan inuu dib u dhici doono fasixi Goluhu geli lahaa, taasi oo hor-seedi doonta in loolan adagi ku dhex-maro Guddidayadaasi xulashada hogaanadooda oo sababi karta in heshiiskii la gaadhay ay saamayn ku yeelam doonto.






Golis News


Hargeisa/somaliland

faysal cali waraabe oo si weyn loogu soo dhaweeyey Hargeysa

Guddoomiyaha Xisbiga UCID oo maanta si weyn loogu soo dhaweeyay Hargeysa
February 23rd, 2010 Comments Off

Hargeysa (Somaliland.Org)- Guddoomiyaha Xisbiga Mucaaradka ah ee UCID Eng. Faysal Cali Waraabe, ayaa maanta si weyn loogu soo dhaweeyay Hargeysa, ka dib markii uu ka soo laabtay socdaal uu ku soo maray dalal kala duwan oo Qaaradda Yurub ka tirsan.



Guddoomiyaha UCID oo shalay ka soo degay Garoonka Diyaaradaha ee Magaalada Berbera, isla markaana saaka ka soo kicitmay, ayaa waxa soo-dhawayntiisa ka qayb galay hoggaanka sare ee Xisbiga Mucaaradka ah ee KULMIYE oo ay ka mid ahaayeen, Guddoomiyaha Xisbiga KULMIYE Axmed Maxamed (Axmed-Siilaanyo), Guddoomiye-xigeenka Muuse Biixi Cabdi, Xoghayaha guud Keyse Xasan Cige iyo dadweyne kale oo aad u tiro badan.

Inkasta oo ay Jidadka waawayn ee Magaalada Hargeysa xidheen Gaadiid tiro badan iyo dadweyne ka qayb-qaadanayay soo-dhawaynta Guddoomiyaha, haddana waxa markii dambe Faysal Cali Waraabe oo loo gelbiyay dhinaca xarunta dhexe ee Xisbigooda , halkaas oo uu kula hadlay dadweyne aad u tiro badan.

Guddoomiyaha UCID wuxuu sheegay in dalalka uu soo maray ilaa 8 Waddan oo ka mid ah dalalka Yurub, kuwaas oo uu ku tilmaamay in ay u sheegeen in Xukuumadda Somaliland ay ka gaabisay xidhiidhka dawladaha Caalamka. “Walaalayaal dalalka aanu soo marnay waxay diyaar inoola yihiin xidhiidh, balse Xukuumaddeena ayaa ka gaabisay, waxaanay noo sheegeen in aanay arag cid ka socota Xukuumaddeena..Dalalkaa waxaanu kala hadalnay arrimo la xidhiidha qaddiyaddeena, waxaanay sheegeen in badankoodu ay dalkeena u soo dirayaan goob-joogayaal iyo Wufuud.” Ayuu yidhi Guddoomiyaha UCID.

Guddoomiyaha UCID wuxuu Xukuumadda Madaxweyne Rayaale ku eedeeyay musuq-maasuq. “Walaalayaal taag uma hayno Kiish afkiisu halkan yaalo oo daadsan ilaa Paris, Insha Allah markaanu talada dalka qabsanana Waxbarashada ilaa Dugsiyada sare waxaanu ka dhigaynaa bilaash.” Ayuu yidhi Guddoomiyuhu, waxaanu intaa raaciyay oo uu yidhi, “Insha Allaahu walaalayaal markaanu talada qabsano Tuulo kasta iyo Magaalo kastaba waxay heli doonaan Biyo nadiif ah, waxaananu Direyska ka bedeli doonaa Ciidankeena, waananu qorshaynay Direyskii aanu u xidhi lahayn Ciidankeena.”

Dhinaca kale, Faysal Cali Waraabe waxa uu sheegay in haddii ay talada qabtaan ay yarayn doonaan Shaqo-la’aanta baahsan ee dalka ka jirta.

Somaliland.Org

Hargeisa News Desk

wararkasomaliland@gmail.com

wefdi somaliland oo maraykan tegaaya

Wefti Culus oo ka Kooban Xukuumadda iyo Baarlamaanka oo Maanta u Ambabaxaya Maraykanka.


Hargeysa(Ramaas) Feb.23, 2010 - Wefti culus oo ka kooban Xukuumadda Somaliland iyo golayaasha Baaralamaanka ayaa la filayaa inay maanta u anbabaxaan dalka Maraykanka.
Waftigan oo ku tagaya marti-qaad rasmi ah oo ay ka heleen xukuumada Maraykanka waxay ku sii hakan doonaan dalka Djibouti oo ay u sii dhaafi doonaan dalka Maraykanka.
Waftigan oo uu hogaaminayo Wasiirka Arrimaha Dibadda Somaliland, C/laahi Max’ed Ducaale waxa ku wehelinaya wasiirada Arrimaha Gudaha C/laahi Ismaaciil Cirro, Wasiirka Qorshaynta Cali-Sanyare, Wasiirka Macdanta iyo Biyaha Cismaan Sh Cabdi Sh Maxamed iyo labada gudoomiye ku xigeen ee labaad ee golayaasha baaralamanka (Wakiilada iyo Guuritida), Baashe Maxamed Faarax iyo Siciid Jaamac Cali, ayaa Mudada ay joogaan dalka Maraykanka waxa la filayaa inay wada hadalo rasmi ah la yeeshaan xukuumada Maraykanka taas oo uu ku saabsan xoojinta xidhiidhka labada dal iyo arrimaha iskaashiga ay ka yeelan karaan labada dal.
Waa markii ugu horaysay ee wafti culus oo ka kooban xukuumada iyo baaralamanku ay socdaal wada jir ah ugu baxaan dibadda, taas oo xoojinaysa dadaalka ay Somaliland ugu jirto inay aqoonsi ka hesho caalamka.
Source: Waaheen

harar on February 23 2010 11:26:06 ·